Talebanî li gel şandeke dîasporaya Iraqî ya li Amerîkayê civiya

Ofîsa Ragihandinê ya Cîgirê Serokwezîrê Herêma Kurdistanê

Qubad Talebanî û şandeke dîasporaya Iraqî li Amerîkayê

Cîgirê Serokwezîrê Herêma Kurdistanê Qubad Talebanî pêşwaziya şandeke dîasporaya Iraqî ya li Amerîkayê bi serokatiya Martin Manna Serokê Odeya Bazirganî ya Keldanî-Amerîkî kir.Di civînê de çawaniya bihêztir kirina peyIwendî û hemahengiya di navbera her du aliyan de, rewşa mesîhiyên li Herêma Kurdistanê û Îraqê û çendîn mijarên din hate nirxandin.

Di civîna roja sêşemê (25/2/2025) de rewşa mesîhiyên Herêma Kurdistanê û Iraqê hat gotûbêjkirin û şanda dîaspora ya Iraqê li Amerîkayê destxweşiyê li hikûmet û rûniştvanên Herêma Kurdistanê kir ji bo piştgiriya berdewam bo civaka Mesîhî.Wî got ku Kurdistan dê bimîne wek welatê pêkvejiyana aştiyane di navbera hemû pêkhateyan de û pesna rol û pêgeha dîrokî ya mesîhiyan li Herêma Kurdistanê da.

Li beşekî dinê hevdîtinê de behsa çawaniya bihêztir kirina peywendiyên bazirganî û hemahengiya di navbera Herêma Kurdistanê û diyasporaya Iraqî li Amerîkayê hate kirin û di vê derbarê de Cîgirê Serokwezîr amadehiya xwe ji bo dabînkirina her cure hêsankarî bo sermayerazandinê li Herêma Kurdistanê nîşan da.

Her wiha di civînê de behsa pirsgirêkên li pêşiya avadankirina Mûsilê jî hat kirin û di vê derbarê de, Qubad Talebanî tekez li ser wê yekê kir ku, Herêma Kurdistanê û sermayedarên Kurd ji bo her cure hevkariyê li gel hikûmeta federal û wan sermayedarên ku dixwazin beşdarî proseya avedankirina Mûsilê bibin, amade ne.

PUKMEDIA