Konferansa amadekarî ya Dîdara YNK ya Hewlêrê dest pê dike

PUKMEDIA

Derbaz Kosret Resûl Elî

Îro Pêncşemê li bajarê Hewlêrê kar û xebatên çaremîn konferansa amadekarî ya duyemîn dîdara Yekîtiya Niştimanî ya Kurdistanê dest pê kir.

Endamê Encumena Serkirdatiya Yekîtiya Niştimanî ya Kurdistanê Xidir Mistefa di destpêka vekirina konferansê de ku ji aliyê PUKMEDIA ve hate şopandin de got: Di konferansê de dê li ser pêkhateya rêxistinî û siyaseta paşerojê ya Yekîtiya Niştimanî û pêwendiyên wê li navçeyê û herwiha rola jin û ciwanan di nava refên YNK de û gelek mijarên din ên giring gotûbêj bên kirin.Destnîşan jî kir ku ev dîdar  gelek giringe ji bo agehdar bûna daxwazên hevwelatîyan û pêşkêşkirina baştirîn xizmetguzarî ji wan re, ji bilî guftûgokirina rêyên baştirkirina rewşa niha ya herêma Kurdistanê.

Got jî: Yekîtiya Niştimanî partiyeke kevnar û parêzvanê demokrasiyê ye li Herêma Kurdistanê, başqey partiyên din in derfetê dide kadroyên xwe ku bi azadî nêrîn û pêşniyarên xwe diyar bikin.

Piştre Endamê Mekteba Siyasî ya Yekîtiya Niştimanî ya Kurdistanê Derbaz Kosret Resûl Elî gotarek pêşkêş kir û tê de got: Îro em şanaziyê bi wê yekê dikin ku em li pêşiya têkoşîn, geşepêdan û guhertinê ne û ji bo xizmetkirina welatiyan kar dikin, îro em li virin da ku vê dîdarê bikin stasyona pêşxistina YNK. Eji kadroyên xwe dixwazin di pêkanîna siyaseta nû ya Yekîtiya Niştimanî ya Kurdistanê de beşdar bibin.


Got jî: Yekîtiya Niştimanî ya Kurdistanê ji dema damezrandina xwe ve heta niha kariye ezmûneke demokratîk ji bo gelê Kurdistanê di navçeyeke dijwar de ava bike û ti carî dest ji prensîb û nêzîkatiya xwe ya ji bo dabînkirina azadî, demokrasî, avadankirin û bexteweriya gelê Kurdistanê berneda û ew yekane partî ye ku di rewşeke dijwar de ti carî welatiyên xwe nahêle.

Got jî: YNK ber bi qonaxeke giring ve diçe ber bi lidarxistina dîdareke girîng ku armanca wê bihêzbûna Yekîtiya Niştimanî ya Kurdistanê ye û divê em derfeteke guncaw ji kadro û çalakvanên xwe re peyda bikin da ku em bizanin ka ew çi dixwazin û çi rêbazê dixwazin? Em ê guh bidin hemûyan û pêşniyar û nêrînên her kesî li ber çavan bigirin, emê li ser pêşxistina YNK û çareserkirina pirsgirêkan kar bikin û partiyê bikin faktarek bo çareserkirina pirsgirêkan.

Derbaz Kosret Resûl got: Yekîtiya Niştimanî hêviya hevwelatiyane ji bo serrastkirina rêbaza hikûmetê li Herêma Kurdistanê ye û em dê daxwazên welatiyan bikin bernameya xwe û em xelkê Kurdistanê piştrast dikin ku emê derbasî qonaxeke nû bibin û di hikûmeta nû de jî em dê kar bikin da ku aramî ji bo gelê Kurdistanê dabîn bikin û emê bibin ortaqên rasteqîne di hikûmeta dahatî de bin, Em ê hemû saziyên hikûmetê bixin bin xizmeta welatiyan û destê partiyan ji hikûmetê dûr bixin û hikûmeteke demokratîk ava bikin ku gel serwer be.


PUKMEDIA