Şandina mûçeyên Sibatê pirsgirêka mûçeyê karmendan bi dawî dike

PUKMEDIA

50.000 Dînarê Iraqî

Tê çaverêkirin ku Wezareta Darayî ya Federalî mûçeyên fermanberên Herêma Kurdistanê di nava hefteyekê de bişîne. Parlamenter Yekîtiya Niştimanî ya Kurdistanê li Civata Nûneran dibêje: “Em çaverê dikin ku mûçeyên vê heftiyê bên şandin, ji ber ku proseya pişkinînê dem girtiye û ew pakêta yekem a piştî rêkeftina Hewlêr û Bexdayê ye.

Endamê Fraksiyona YNKê li Parlamentoya Iraqê Karwan Yarwais ji PUKMEDIA re ragihand: “Sedema paşxistina şandina mûçeyên fermanberên Herêma Kurdistanê ji Bexdayê, ji ber proseya pişkinînê ye ku piştî rêkeftina Herêma Kurdistanê û Hikûmeta Federal pêk tê.”

Got jî: eger kar li gor rêkeftina di navbera Hikûmeta herêma Kurdistanê û Hikûmeta Federalî ya derbarê mûçeyan de bimeşe, pirsa paşxistina mûçeyan bo mehên bê dûbare nabe.’’

Pêştir Wezareta Darayî û Aborî di daxuyaniyekê de ragihandibû: “Roja Çarşemê (26.02.2025) bi rêya tîma teknîkî ya Wezareta Darayî û Aborî, lîsteya mûçeyê meha Şibatê ya karmendan li Herêma Kurdistanê hat belavkirin.

Tevî ku hikûmeta Herêma Kurdistanê di çar rojan de mûçeyên meha Çileyê parve  kiriye, lê karmendên mûçegir li benda mûçeyên meha Sibatê ne û heta niha çarenivîsa parvekirina  mûçeyên meha Kanûna sala borî ne diyar e.

Wezareta Darayî ya Iraqê ji bo parvekirina  mûçeyên meha Çileyê 958 milyar û 12 milyon û 332 hezar û 759 dînar ji Hikûmeta Herêma Kurdistanê re şandiye.

PUKMEDIA