Yekîtiya Niştimanî: Bi serrastkirina rêbaza hikûmetê em dikarin xizmeta welatiyan bikin

PUKMEDIA

Endamê Mekteba Siyasî ya Yekîtiya Niştimanî ya Kurdistanê Şêx Ehmed Heme Kerîm

Îro 6/3/2025 pêncemîn konferansa amadekarî bo duyemîn dîdara Yekîtiya Niştimanî ya Kurdistanê gihîşte Germiyan û Xaneqîn û li bajarê Kelar birêve çû, berpirsê bazneya hilbijartinên Germiyan raghand: Dîdara berê YNK derxist asta yekdengiyê bi awayek ku li ser asta cîhanê hat guhdarî kirin.

Piştre Endamê Mekteba Siyasî ya Yekîtiya Niştimanî ya Kurdistanê Şêx Ehmed Heme Kerîm gotarek pêşkêş kir ku ji aliyê PUKMEDIA ve hate şopandin û tê de got: Emê li gel hevrêyên xwe yên rêxistina YNK li Germiyanê ji bo pêşkêşkirina nêrîn û pêşniyarên ku dê dîdara duyemîn dewlemendtir bike, kar bikin, ciyawaziya wê ji aliyên din re di wê yekê de ye ku derfetê dide kadroyên xwe ku bi tevahî azadî nêrîn û pêşniyarên xwe bînin ziman, ew partiyaye ku dikare pêşde biçe ji bo pêşxistina ezmûna Herêma Kurdistanê.
Got jî: Yekîtiya Niştimanî ya Kurdistanê partiyeke kevnar û parêzvanê demokrasiyê ye li Herêma Kurdistanê, ji ber wê yekê ku derfetê dide kadroyên xwe ku bi azadî nêrîn û pêşniyarên xwe diyar bikin.

Endamê Mekteba Siyasî wiha dewam kir: Gelek ji pêşniyarên yekemîn konferansa Yekîtiya Niştimanî hatin cîbicîkirin û pêşniyar û nêrînên girîng û baş hebûn. Di civînê de serkirdayetiya yekgirtî ya YNK bi serokatiya Serok Bafil Celal Talebanî hate hilbijartin, vê serkirdayetiyê giranî û pêgeha xwe ya girîng di nava Êraqê de û di asta navdewletî de heye.
Wî got: Li ber avabûna hikûmeta Herêma Kurdistanê ye lewra Yekîtîya Niştîmanî ya Kurdistanê dixwaze guh bide nerîn û pêşniyarên endamên xwe li ser çawanîya pêkanîna hikûmetê û çawanîya pêkhatina wê ya paşerojê. Emê hemû sozên ku me dane hevwelatiyan cîbicî bikin û ji bo serastkirina rêbaza hukimdariyê li Herêma Kurdistanê kar bikin û bi serrastkirina rêbaza hukimdariyê ve emê bikarin xizmeta welatiyan bikin û daxwazên wan bi cih bînin.


PUKMEDIA