Fraksiyona YNKê: Xebatên me yên ji bo bi parêzgehbûna Helebce berdewam in

Kurdistan 12:24 PM - 2025-03-07

Helebce

Hewldanên Yekîtiya Niştimanî ya Kurdistanê ji bo yasakirina qanûna parêzgehkirina Helebce li Encumena Nûneran, piştî temamkirina hemû rêkarên yasayî, bi nêzîkbûna salvegera bombebarankirina bajêr bi çekên kîmyayî berdewam in.

Em li ser yasakirina qanûnê dixebitin

Nûnerê Yekîtiya Niştimaniya Kurdistanê Dr.Bryar Reşîd ji PUKMEDIA re ragihand: Em di fireksiyona YNK de bi hemû hêza xwe kar dikin ku projeyasaya parêzgehkirina Helebce bikeve nav karnameya civînên parlamentoyê.
Got jî: Bi nêzîkbûna salvegera êrîşa kîmyayî ya Helebceyê, emê bi hevkarîya li gel fireksiyonên parlemanî hewl bidin proje yasaya parêzgehbûna Helebceyê yasa bikin.

Tiştê ku maye dengdane

Nûnerê Yekîtiya Niştimanî ya Kurdistanê Çiro Heme Şerîf ji PUKMEDIA re ragihand: Hewldanên Yekîtî ji bo yasaya parêzgehkirina Helebce berdewam in.
Her weha got jî: Me razîbûn û piştevaniya piraniya fireksiyonên parlemanî ji bo dengdana li ser proje yasayê wergirtiye, û em berdewam in li ser hewlên xwe heta ku yasa di civata nûneran de were yasakirin, destnîşan jî kir ku parêzgeha Helebce hemû rêkarên yasayî û îdarî temam kirine, û tenê maye dengdana li ser bidin.

Wê amaje bi wê yekê jî kir: Yekîtiya Niştimanî ya Kurdistanê berî salvegera êrîşa kîmyayî ya 16/3/1988ê hewl dide deng li ser proje yasaya parêzgehkirina Helebce bide

Reşnivîsa Proje yasaya parêzgehkirina Helebce

Li ser bingeha bendê (61) ya destûra Komara Êraqê, Encûmena Nûnerên Êraqê biryar da ku van yasayan derbixe:

Yasaya bi parêzgehbûna Helebce li Komara Êraqê
Madeya Yekem:
Li Herêma Kurdistana Êraqê parêzgehek bi navê parêzgeha Helebce bibe parêzgeha 19 a Komara Êraqê û navenda wê jî li navçeya Helebce be.

Madeya Duyem:
Civata Wezîrên Herêma Kurdistana Êraqê sînor û yekeyên îdarî yên parêzgehê destnîşan dike.

Madeya sêyem:
Desthilatdarên pêwendîdar divê bendên vê qanûnê bi cih bînin.

Madeya çarem:
Ev qanûn ji roja ku di Rojnameya Fermî de (Rojnameya Êraqî) hat weşandin, tê cîbecîkirin.


PUKMEDIA