YNKê: Di vê hefteyê de mûçeyên Herêma Kurdistanê tên şandin

PUKMEDIA

Sirwa Mihemed

Serokwezîrê Iraqê Mihemed Şîa Sûdanî tekez kir, ku mûçeyên meha Sibatê yên karmendên Herêma Kurdistanê dê di heftiya niha de were dabînkirin.

Di vê derbarê de Parlementera Yekîtiya Niştimanî ya Kurdistanê ya Parlementoya Îraqê Sirwa Mihemed di daxuyaniyekê de ji PUKMEDIA re ragihand: “Em îro şemiyê 3/8/2025 wek Komîteya Jin, Malbat û Zarokan li parlementoyê bi serokwezîrê Iraqê Mihemed Şîa El Sûdanî re bi boneya roja cîhanî ya jinan civiyan.

Sirwa Mihemed got jî: ‘’Di hevdîtinê de min ji serokwezîr pirsiyar li ser roja şandina mûçeyên meha Reşemê bo karmendên herêmê kir û cenabê wî jî bersiva wî da ku dê di heyama heftiya niha de mûçe bên dabînkirin.’’

Roja 26.02.2025ê Wezareta Darayî ya Hikûmeta Herêmê ragihand ku lîsteya mûçeyê meha Sibatê bi rêya tîmeke teknîkî ya wezaretê ji Bexdayê re şandiye û radestî Wezareta Darayî ya federal bike.

Zêdetirî mehekê ye ku karmendên Herêma Kurdistanê mûçeyên meha Çileya îsal a sala 2025ê werdigirtine, ji ber ku piştî nêzîkî 70 rojan tenê mûçeyek werdigirin û li benda wergirtina mûçeyê meha Sibatê ne.

Roja 2/3/2025, Wezareta Darayî ya Hikûmeta Herêma Kurdistanê ragihand ku li gel hikûmeta federal rêkeftina dawî ji bo çareserkirina pirsa mûçeyê fermanberên herêmê bo sala 2025an hatiye kirin.

Wezaretê di daxuyaniyekê de ragihand: "Piştî 15 rojan berdewamiya kar di navbera şandên teknîkî yên Wezareta Darayî ya Herêma Kurdistanê û Wezareta Darayî ya li hikûmeta federalî de ji bo çareserkirina pirsgirêkên teknîkî, cîbicîkirina daxwazan û amadekirina tabloyên lîsteya mûçeyên karmend, xanenişîn, leşker û hêzên ewlehiyê yên Kurdistanê, rêkeftina dawî li ser mûçeyên 2025 saliya karmendan hat kirin."

PUKMEDIA