Şêx Cefer: Ji bo çareserkirina pirsgirêkan divê gav bên avêtin

Arşîv

Şêx Cefer Şêx Mistefa

Cîgirê Serokê Herêma Kurdistan`ê bi boneya 34emîn salvegera serhildan û azadkirina bajarê Hewlêr`ê peyamek belav kir û ragihand ku,salvegera pîroz ya serhildan û têkoşîna me ya şoreşgerî bi taybetî ji bo vê qeyrana hestiyar û tijî siyasî û aborî, berpirsyariyek e mezin dixe stûyê me hemûyan, girîng e ku niha bi yekrêzî û komdengiya aliyên siyasî derbasî qonaxa şer û çareserkirina pirsgirêkan bi diyalogê bibin

Şêx Cefer Şêx Mistefa; Cîgirê Serokê Herêma Kurdistan`ê di peyama xwe de wiha got: Îro 34 sal bi ser serhildan û azadkirina Hewlêr`ê re derbas dibin, ku hevdem e digel salvegera Rêkeftina 11ê Adara 1970`an,di vê rojê de, Hewlêr bi piştevaniya xelkê wê yê mêrxas û Pêşmergeyên qehreman yên Kurdistan`ê, taca serketina serhildanê li dijî dîktatoriya faşîst ya Beis ya faşist bilind kirin, lewra ez bi vê helkeftê bi germî li gelê serbilind yê Hewlêrê pîroz dikim.

Di peyama Şêx Cefer de hatiye: Pîroziya salroja serhildanê û xebata me ya sivîl berpirsyartiyeke mezin dixe ser milên me hamûyan, bi taybetî ji bo vê qonaxa hestyar û tejî qeyranên siyasî û aborî, niha divê bi yekrêzî û komdengî ya navbera aliyên siyasî gav bên avêtin ji bo qonaxa rûbirûbûn û çareserkirin pirsgirêkan bi riya diyalogê ji bo bidestxistina mafên neteweyî û destûrî û dabînkirina jiyanek e xweş ji bo welatiyên Kurdistan`ê.

Cîgirê Serokê herêma Kurdistan`ê di berdewamiya peyama xwe de amaje bi wê yekê kir ku di van her du salrojên mezin de ez bejna xwe li ber hemû şehîdên riya azadiya Kurdistanê ditewînim, Salvegera 11'ê Adar ya sala 1970'an û serhildan û azadkirina Hewlêra paytexta Herêma Kurdistanê pîroz be.

PUKMEDIA