şeşemîn konferansa amadekarî ya Dîdara Yekîtî li Helebce birêve diçe

PUKMEDIA

Logoya YNK

Biryare îro Pêncşemê şeşemîn kongireya amadekar yê duyemîn dîdara YekîtiyaNiştimanî ya Kurdistanê li bajarê Helebce birêve biçe.

Berpirsê sekreteriya dîdarê Fehmî Burhan di daxuyaniyeke berê de ji PUKMEDIA re ragihandibû ku yekemîn kongireya amadekar li bajarê Musilê dest pê kir, yê duyem li Duhok, sêyem li Koye, çarem li Hewlêr, pêncem jî li navçeya Germiyan û ya şeşem jî wê li Helebce be û wê sê rojan dirêj bike.
Got jî: komîteyên di konferansê de dê li ser pêkhateya rêxistinî, siyaseta paşerojê ya Yekîtiya Niştimanî ya Kurdistanê, pêwendiyên wê li herêmê, rola jin û ciwanan di nava refên YNK û gelek mijarên din ên giring gotûbêj bikin.

Amaje bi wê yekê jî kir: Armanca lidarxistina konfransan reform û gotûbêjkirina nêrîneke nû ye û amadekariyên YNKê ji bo qonaxeke nû ya jiyana siyasî û rêveberiya Herêma Kurdistanê ye, dê kadro, kesayetiyên navdar û pêkhateyên cuda yên YNKê beşdarî konferansê bibin.
Wî got: Di konferansê de, kadro û beşdarên YNKê dê nêrîna xwe ji bo paşeroja YNKê û siyaseta ku divê di qonaxên pêş de were şopandin, pêşkêş bikin.

Her wiha armanca vê konferansê bihêzkirina pêgeh û bandora Yekîtî weke partiya herî diyar û bibandor li qada siyasî ya Herêma Kurdistanê, Êraq û navçeyê û herwiha di warê peywendiyên navdewletî de jî mekanîzma danûstandinê li gel guhertin û pêşhatên li navçeyê tê gotûbêjkirin û pesendkirin.

PUKMEDIA