Saadî Ehmed Pîra: Rêya rêveberiyê wê bi têgihiştinê were rastkirin

PUKMEDIA

Berdevkê YNKê Saadî Ehmed Pîra

Berdevkê YNKê  Saadî Ehmed Pîra dibêje: “Di civînê de çendîn mijarên girîng ên stratejîk û çawaniya birêvebirina rêveberiya dahatû ya herêmê hatin gotûbêjkirin, helbet têgihiştin û gotûbêj dê bibe sedema rastkirina rêbaza rêveberiyê.’’

Berdevkê Yekîtiya Niştimanî ya Kurdistanê (YNK) Saadî Ehmed Pîre ji medyayê re ragihand, civîna Serokê YNKê û Serokwezîr ji bo pirsgirêkên ku heta niha nehatine çareserkirin gelekî girîng e.

Wî zêde kir: “Di civîna Serokê Yekîtiya Niştimanî ya Kurdistanê (YNK) Bafil Celal Talebanî û Serokwezîrê Herêma Kurdistanê Mesrûr Barzanî de gelek mijarên girîng ên stratejîk û çawaniya birêvebirina rêveberiya dahatû ya Herêma Kurdistanê hatin gotûbêjkirin.

Wî got:"Mijarên ku her du aliyan li ser li hev kirine, dê di demên pêş de pêşkêşî şandên her du aliyan bên kirin û biryara dawî li ser bê dayîn."

Serokê Yekîtiya Niştimanî ya Kurdistanê (YNK) Bafil Celal Talebanî û Serokwezîr Mesrûr Barzanî rewşa siyasî ya Herêma Kurdistanê, Iraq û navçeyê û encamên siyasî gotûbêj kirin.

Di hevdîtinê de behsa amadekariyên pêşhatan, helwesta Herêma Kurdistanê û pêkanîna kabîneya nû hat kirin û ragihandin: “Armanca wan avakirina hikûmetê ye ku xizmeta gel bike.’’

PUKMEDIA