CHP bi fermî Îmam Oglu ji bo hilbijartinan namzed nîşan dide

PUKMEDIA

şaredarê Stenbolê Ekrem Îmam Oglu

Partiya Komarî ya Gel (CHP) ya opozisyona Tirkiyê îro Duşemî 24ê Adara 2025ê ragihand, ku dê di hilbijartinên serok komariya Tirkiyê yên sala 2028an de, şaredarê Stenbolê Ekrem Îmam Oglu ku niha girtî ye, wek namzedê xwe destnîşan bike.

Şaredariya Stenbolê pêştir ragihandibû ku 15 milyon hilbijêr duh yekşemê beşdarî hilbijartinên seretayî ên ku roja Yekşemê ji aliyê Partiya Komarî ya Gel (CHP) ve ji bo hilbijartina namzedê xwe yê serok komariyê hat lidarxistin, bûne.
Şaredariyê wiha got: Ji 15 milyon dengan 13 milyon û 211 hezar kesî piştgiriya xwe ji Îmam Oglu re anîn ziman. Ev kes endamên Partiya Komarî ya Gel (CHP) ne, lê bi awayekî sembolîk dengê xwe dane serokê girtî.

Îmam Oglu ji girtîgeha ku li rojavayê Stenbolê lê tê ragirtin ev nûçe pêşwazî kir û got ku ew "gelekî kêfxweş" kiriye. Di daxuyanîya ku da de derbarê mijarê de wiha got: Li vî welatî bi deh mîlyonan însanên ku ji ber zexta hikûmetê, aborîya têkçûyî, bêserûberî ber sindoqan ve çûn da ku ji Erdogan re bêjin êdî bes e.

Îmam Oglu roja yekşemê hat Girtîgeha Marmarayê û li wir ji ber sûcên gendelî û terorê biryara binçavkirinê hat dayîn.
Dadgehê duh ragihand ku Îmam Oglu û herî kêm 20 kesên din di çarçoveya lêpirsîna gendeliyê de hatine binçavkirin û ti biryar dadgehî ne hatiye dayîn.

PUKMEDIA