Tirkiyê: Piştî xwepêşandanan 1400 kes hatin girtin

Ajans

Xwepêşandanên Tirkiyê

Wezareta Navxwe ya Tirkiyê girtina 1400 xwepêşanderan ragihand piştî girtina Şaredarê Stenbolê Ekrem Îmam Oglû ragihand.

Li gorî Wezîrê Karên Navxwe Elî Yerlî Kaya, ji roja Çarşema borî û vir ve 1418 xwepêşander hatine desteserkirin, piştî xwepêşandanên 6 rojan ên ku hikûmet "neqanûnî" dibîne.
Yerlî Kaya di daxuyaniya xwe ya li ser medyaya civakî de wiha got: Di dema ku 979 tometbar niha di binçavan de ne, îro 478 kes dê bên darizandin, her wiha got jî: Emê wan kesên ku hewl didin li kolanan tires belav dikin û êrîşî nirxên me yên neteweyî û exlaqî û polîsên me bikin, ceza bikin.

Li Tirkiyeyê di hefteya dawîn de li seranserê welêt, li Stenbolê, bajarê herî mezin ê welêt û li paytext Enqereyê, li dijî girtina Îmam Oglu çalakî hatin lidarxistin.

Ekrem Îmam Oglu, hevrikê sereke yê siyasî yê Serok komar Receb Tayb Erdogan, roja Çarşema borî li mala xwe hatibû desteserkirin. Rayedaran xwepêşandan li parêzgeha Stenbolê qedexe kirin û hin rê girtin "ji bo parastina sîstema giştî.
Ji aliyê xwe ve, berdevka Wezareta Derve ya Amerîkayê ragihand ku Wezîrê Derve yê Amerîkayê Marco Rubio di hevdîtina xwe de ligel hevtayê xwe yê Tirkiyê Hakan Fîdan, nîgeraniya xwe li hember girtin û xwepêşandanên vê dawiyê li Tirkiyê nîşan da.

Berdevk Tammy Bruce di daxuyaniyeke çapemeniyê de got ku Rubio "herweha geşedanên dawî yên di bazirganiya dualî de jî nirxand û teşwîq kir ku hevkariya aborî ji niha û pê ve xurt tir bibe.
Wezîrê Derve yê Amerîka bi hevtayê xwe yê Tirk re civiya û li ser mijarên sereke yên ewlehî û bazirganî gotûbêj kirin.

Amaje bi wê jî kir ku Rubio "ji bo aştiya Ukrayna û Başûra Quqazê ji Tirkiyeyê piştgirî xwest." Wî her wiha pêzanîna xwe ji serkirdayetiya Tirkiyê di hevpeymaniya cîhanî ya têkbirina DAIŞê de anî ziman.
Dupat kir ku pêdiviya hevkariyeke nêzîk ji bo piştgirîkirina Sûriyeyeke aram, yekgirtî û aştiyane ye ku nebe bingehek ji terorîzma navdewletî re û ne jî rêgirek ji bo têkdana aramiya çalakiyên Êranê be.

PUKMEDIA