Îmad Ehmed:Bê navber azadiya raderbirînê diparêzin

PUKMEDIA

Îmad Ehmed Berpirsê Ofîsa Ragihandin û Hiûyarî pêşwazî li Wezîrê Rewşenbîrî Heme Hema Seîd kir

Îmad Ehmed Berpirsê Ofîsa Ragihandin û Hişyarî pêşwazî li Heme Heme Seîd Wezîrê Rewşenbîrî yê Herêma Kurdistan`ê kir ku di civînekê de Berpirsê Burda Ragihandinê Letîf Nêrweyî amade bû, derbarê astengiyên li pêşiya karê ragihandinê de, hemû mijarên ku ji bo aştiya civakî metirsîdar in, hatin gotûbêjkirin û tekez li ser hemahengiya hemû aliyên peywendîdar hate kirin ji bo parastina prensîbên bingehîn yên ragihandinê, û berfirehkirina çarçoveya azadiya derbirînê û kêmkirin û jinavbirina metirsiyên ku medyayê ji karê pîşeyî dûr dixe.

Di civînê de Îmad Îhmed eşkere kir ku siyaseta YNK`ê li ser hemû mijarên girêdayî exlaq û nirxên civakî û parastina giyanê pêkvejiyan û biratiyê di navbera hemû netewe û civakan de zelal e, weke ku me hertim gotiye: Em ê di çarçoveya prensîbên rojnamegerî û parastina azadiyên kesayetî de bi xurtî piştgirî û parastina azadiya raderbirînê û xebata medyayî ya pîşeyî bikin ji bo pêşxistina herêmên me û parastina bingehên demokrasiyê, ji ber vê yekê erka her kesî ye ku li hember wan diyardeyên ku çanda me çewt dikin, handana tundûtîjiyê, kuştin û wêrankirina ewlehiya me ya civakî dikin rawestin û bi projeyek neteweyî re rûbirû bibin.

Li hemberî wê yekê, Heme Hema Seîd piştgirî û alîkariya Wezareta Rewşenbîrî ji bo hemû xebatên parastina urf, kevneşopî û nirx û rêzikên pîşeyî yên li herêmê nîşan da û got: Em spasiya vê destpêşxeriya Mekteba Ragihandin û Hişyarî dikin ku têbînî û pêşniyarên hemû aliyên pêwendîdar yên ragihandinê, mamosteyên zanîngehan, akademîsyen, rojnamevan û saziyên ragihandinê werdigre, û got: Em ê bi navend, sendîka û rêxistinên peywendîdar bi medyayê re hilgirin û bi hemahengî emê gavan bavêjin daku xizmeta pêşxistina ezmûna me û pêşxistina karên ragihandinê bike.

PUKMEDIA