Şîrketek Brîtanî bi hezaran kar vedike

Ajans

Şîrketa BP ya Brîtanî

BP ragihand ku piştî îmzakirina girêbesta ligel hikûmeta Iraqê dê di demeke nêzîk de dest bi veberhênana li bîrên petrolê yên Kerkûkê bikin û got:“Ew ê li Kerkûkê jî bi hezaran karan çêbikin.’’

Li gorî girêbesta ligel hikûmeta Iraqê ku niha di qonaxa yekem de ye, ew kompanî dê zêdetirî 3 milyar bermîlên petrolê û gazê berhem bîne.Ji sala 2014’an heta 2017’an ji ber şerê li dijî DAIŞ’ê peyman hat paşxistin.

Wezareta Petrolê ya Iraqê hûrgiliyên rêkeftina ligel kompaniya BP ya Brîtanî bo pêşxistina 4 kêlgehên petrolê li Kerkûkê eşkere kir.

Rêveberiya petrolê ji her çar kêlgehan dê rojane 420 hezar bermîlan zêde bike û rêkeftin ji bo 25 salan e û dikare 5 salên din jî were dirêjkirin.

Di çarçoveya peymanê de dê xizmetên civakî ji bo herêmên derdora cotkaran bê dayîn.
Di girêbestê de hatiye gotin ku %85 ji karmendên kompanyayê dê Iraqî bin û bi hezaran kar ji bo welatî û kompaniyên xwecihî peyda bike.

PUKMEDIA