YNKê: Emê qerebûkirina dikandarên darên şewitî yên Bexdayê bidin

Ajans

Li sûka daran şewitî

Endamekî fraksiyona YNKê hewl dide ziyanên madî û darayî yên şewitîna darên Silêmaniyê ji Bexdayê qerebû bike.

Parlamentera Fraksiyona YNKê ya Parlamentoya Iraqê Dr.Narmîn Ma'rûf ji malpera fermî ya Yekîtiya Niştimanî ya Kurdistanê (PUKMEDIA) re ragihand;"Em ê her hewil bidin ku ji budceya rezerva awarte zirarên madî û darayî yên hikûmeta federal telafî bikin.’’

Îro danê sibê 5-4-2025ê, li bazara Silêmaniyê agir bi çend dikanan ket, bi taybet di bazara daran de şewitî ku nêzîkî 150 dukan bû, piştre agir ji aliyê berevaniya sivîl a Silêmaniyê ve hat kontrolkirin û ziyan gihîşt hejmarek dikanan, lê mixabin ti ziyanên canî çênebûn.

Her çendî bi fermî sedema şewt û ziyanan nehatiye ragihandin, lê bazirganên bazarê gotin: Ji 200 dukanan nêzîkî 150 dukan şewitîn û ziyan dîtin.’’

Waliyê Silêmaniyê Awat Mihemed ji medyayê re wiha got:“Nêzî 150 esnafan xisar dîtine. Weke rêveberiyên herêmî em ê ji Desteya Wezîran û aliyên peywendîdar re nameyekê bişînin da ku alîkariya kesên mexdûr bikin.

Wî zêde kir:“Hîn jî sedema şewatê nayê zanîn, komîte li ser bûyerê lêkolînê dike."Divê hemû tedbîrên ewlehiyê li cihên wiha bên cîbicîkirin da ku ev bûyerên ne xweş dubare nebin," wî got.

PUKMEDIA