Dîroka hilbijartinên Encumena Nûneran hat diyarkirin

Îraq 11:06 AM - 2025-04-09

Encumena Nûneran

Îro Pêncşemê Encumena Wezîrên Êraqê demê Hilbijartinên Encumena Nûneran diyar kir û li ser deng da.

Mekteba Ragihandinê Encumena Wezîraz a Êraqê ragihand: Îro 9/4/2025 encumenê bi serokatiya Mihemed Şeya Sûdanî serokê encumenê wezîran civînel encam da û têde dema hilbijartinan eşkire kir.

Li gor biryara civîna îro ya civata wezîran 11-11-2025 bo lidarxistina hilbijartinên civata nûneran hat destnîşan kirin.

Komîsyonê amadebûna xwe ji bo lidarxistina hilbijartinan radigihîne

Komîsyona Bilind a Serbixwe ya Hilbijartinan a Êraqê îro Çarşemê amadebûna xwe ji bo lidarxistina hilbijartinên Encûmena Nûnerên Êraqê di roja ku ji aliyê Encûmena Wezîran ve hatiye diyarkirin de ragihand.

Berdevka Komisyonê Cumana El-Gelay ji malpera fermî ya Yekîtiya Niştimanî ya Kurdistanê PUKMEDIAyê re ragihand: Komîsyon amade ye hilbijartinên parlamentoyê di dema diyarkirî de pêk bîne.

Wê her wiha got: Dîroka hilbijartinê ji aliyê Encumena Wezîran ve bi hevahengiya bi Komîsyona Hilbijartinê re tê destnîşankirin, 11 tişrîna duyem 2025 soza lidarxistina hilbijartinên yasayî ye li gor qanûnê.


Di 10/10/2021ê de hilbijartinên pêncemîn civîna Encûmena Nûnerên Êraqê bi 329 endaman hatin hilbijartin. Rêjeya beşdariya di hilbijartinan de %42,15 bû û Encûmenê civîna xwe ya yekem di 9/1/ 2022an de li dar xist.
 
Parlamentoya Êraqê niha di rûniştina xwe ya pêncemîn de ye û ji bo hilbijartinên bê dê bikeve rûniştina şeşemîn.

PUKMEDIA