Konferansa amadekarî yê dîdara YNK’ê li Raperîn dest pê kir

Kurdistan 11:15 AM - 2025-04-09

Dîdara YNK

Îro 9/4/2025 konferansa amadekariya Dîdara Yekîtiya Niştimanî ya Kurdistanê bi amadebûna beşek ji endamên mekteba siyasî û serkirdayetî û têkoşerên Raperîn di hemû waran de hat lidarxistin bo destpêkirina gotûbêjkirin li ser mijarên girîng û siyaseta YNKê .

Yekîtiya Niştîmanî di xebat û têkoşînê de ber bi nûbûnê ve diçe

Di destpêka konferansê de Serokê Rêveberiya Raperînê Hîwa Qernî gotarek pêşkêş kir û tê de got: Di serdema ku Mam Celal serokê komarê bû, me destkeftên herî mezin ji bo Êraq û herêma xwe bi dest xistin. Îro YNK bi serpereştiya Serok Bafil Celal Talebanî di xebata xwe de ber bi têkoşîn û xebat ve diçe.

Herwaha got: Yekîtiya Niştimanî ya Kurdistanê û navçeya Raperînê yekîneyeke ku ji hev nayê veqetandin, em hêvîdar in ku di vê qonaxê de bi serastkirina rêbaza rêveberiyê û pabendbûna bi bernameya YNK û rêveberiya navçeyê, em karibin li ser wan kirîzên ku hatine serê me, derbas bibin.

Berpirsê rêveberiya Raperînê got: Di dema ku Yekîtiya Niştimanî nêzîk bûyina xwe ya zêrîn, pêncî saliya damezrandina xwe ve derbas dibe de, Kurdistan, Êraq, herêm û cîhan di nav guhertinên çarenûsî de ne. Ji bo vê yekê pêwîste em ji hemû îmkan û kêşeyan re amade bin. Em hêvîdar in ku ev civîn bibe bersivek ji daxwaz û pêwîstiyên vê qonaxê re. wîstgeyek be ji nû ve birêxistinkirin û ji nû ve avakirinê di hemû alî, sazî û dezgehên Yekîtiyê de, da ku em têkoşîna gelê xwe ber bi serkeftinê ve bi rê ve bibin û bigihêjin armanc û daxwazên şehîdên xwe yên rewa.

Hevdîtina YNK.. Ber bi yekîtiya fikrê ve

Serokê Komîteya Bilind a Yekîtiya Niştimanî ya Kurdistanê Dr.Yûsif Goran di gotarekê de ji amadebûyan re got: Nêrîna vê civînê qonaxeke nû di xebata siyasî û hizbî de nîşan dide û bûye mekanîzmayeke rêxistinî û hizbî ya bibandor li ser asta Herêma Kurdistanê û Êraqê. eger civîna yekem li ser nasnameya hizbî û rêxistinkirina navxwe ye, ya duyem jî rolên berfirehtir dihewîne.

Got jî: Hevdîtina duyem dê bibe gaveke cidî û rasteqîn ji bo yekrêziya rewşenbîrî di navbera kadro û hevalên me de, bi taybetî di derbarê mijarên giring de. Her wiha divê em tekezî li ser rola Yekîtîyê bikin ku wek hêzeke sereke ya niştimanî di hemahengî û karkirina ji bo berjewendiyên bilind ên Kurdistanê, bi taybetî di vê heyamê de ku bûyerên li herêma me bileztir dibin, bikin. Ji bo berjewendî û xemên gelê me bibin xwedî nêrînek zelal û yekgirtî.

Dr. Yousif Goran got: Herêma Raperînê di civîna şeşemîn a hilbijartinên Parlamentoya Kurdistanê de, di bin çavdêriya Qubad Talebanî de serkeftineke mezin tomar kir ku ev cihê şanaziyê û şerefê ye. Ji ber vê yekê mafê me heye ku em bi vê destkeftê serbilind bin, ji ber ku piştî salên dirêj, Yekîtiya Niştimanî ya Kurdistanê kariye helwesta xwe li Kurdistanê bihêztir bike. Armanca dîdara duyem ewe ku Yekîtiya Niştimanî ya Kurdistanê vegere ser pêgeha xwe ya serekî wek partiya yekem li tevahiya Kurdistanê.

Yekemîn konferansa Yekîtiya Niştimanî ya Kurdistanê (YNK) roja 12/3/2022ê bi serperiştiya Qubad Talebanî dest pê kir û di 31/5/2022ê de bi dawî hat û di konferansê de siyaseta YNKê di warên cuda de hate diyarkirin û bû stûnek ji siyaseta giştî ya YNKê.




PUKMEDIA