Talebanî ji Wezîrê Tûrîzmê yê Yewnanîstanê re: Ji xwendekarên me re hêsan bikin

Daxuyaniya Qubad Talebanî

Qubad Talebanî li gel wezîrê geştiyariyê yê Yewnanistanê civiya

Cîgirê Serokwezîr Qubad Talebanî di çarçoveya serdana xwe ya bo Yewnanîstanê de li gel Olga Kefaloyanî Wezîra Tûrîzmê ya Yewnanîstanê civiya û behsa çawaniya bihêzkirina peywendiyên Herêma Kurdistanê û Yunanistanê di warê geştyarî de hat kirin.

Di civînekê de ku roja Çarşemê (9/4/2025) li kêleka Konferansa Navdewletî ya Delphî bi amadebûna Dara Reşîd Wezîrê Plandanînê û Daban Şadala Cîgirê Serokê Ofîsê hat lidarxistin.

Her du alî kêfxweşiya xwe nîşan dan ku asta peywendiyên geştiyariyê di navbera Herêma Kurdistanê û Yûnanistanê di dema borî de pêşkeftineke baş dîtiye, bi taybetî piştî destpêkirina geştên asmanî yên rasterast, hejmara serdanên geştiyariyê di navbera her du welatan de zêde bûye.

Di hevdîtinê de Qubad Talebanî eşkere kir ku pêşxistina sektora geştiyariyê yek ji karên pêşîn ên Hikûmeta Herêma Kurdistanê ye û girîng zanî ku sûd ji ezmûna dewlemend û serkeftî ya Yunanistanê werbigire. Di vê çarçovê de daxwaz ji Yûnanistanê jî kir ku ji bo xwendekarên Herêma Kurdistanê yên ku dixwazin di warê geştiyariyê de li zanîngehên wî welatî bixwînin, hêsankariyê bike.

Di vê derbarê de wezîrê geştûguzariyê yê Yunanistanê amadehiya welatê xwe bo asankariya xwendekarên deverê diyar kir.

Di beşeke din ya vê hevdîtinê de, Qubad Talebanî, Olga vexwand bo bihêzkirina peywendiyên geştiyariyê di navbera her du welatan deWezîrê geştûguzarê yê Yewnanistanê ev vexwendin qebûl kir û ragihand ku di dema herî pêşîn de ewê serdana Herêma Kurdistanê bikin.

PUKMEDIA