Qubad Talebanî: Enfal û tawanên din beşek ji nasnameya me bûn

PUKMEDIA

Qubad Talebanî Cîgirê Serokwezîrên Herêma Kurdistan`ê

Qubad Talebanî Cîgirê Serokwezîrên Herêma Kurdistan`ê tekez li ser wê yekê kir ku jenosîda Enfalê û jenosîdên din yên ku li dijî gelê Kurdistan`ê hatine kirin, beşeke ji nasnameya me ya dîrokî ye û dazanîn ku, divê çîrokên vê tawanê ji nifşên paşerojê re bên ragihandin.

Qubad Talebanî di peyamekê de ji bo bîranîna tawanên Enfal`ê ku îro Dûşem rêkefta (14-04-2025) an got: Welatê me di dirêjahiya dîrokê de şahidê gelek birîn û êşan bûye, her roj ji aliyekî ve birîndar bûye, lê çi yek ji van birînan ji birîna Enfal`ê bi êştir û kûrtir nebû û got: Ev birîn baş naçe heta ku Kurd piştrast nebin ku careke din nayên jinavbirin û heta termên qurbaniyên Enfal`ê yên dawî neyên vegerandin bo welatê xwe.

Cîgirê Serokwezîran got jî: Tawanên Enfalê yek ji mezintirîn tawanên dîroka mirovatiyê ye, wek Tawanên Holokost û jenosîda Ermeniyan, ji ber wê jî divê nifşên li pey hev ji çîrokên Enfal`ê bên agahdarkirin, ji ber ku Enfal û tawanên din yên jenosîdê beşek ji nasnameya me ya dîrokî ne.

Di dawiyê de got: Di vê salvegerê de em silavên xwe li giyanê pak yê şehîdên xwe ditewînin û li hember malbatên şehîdên Enfal`ê serê xwe ditewînin.

PUKMEDIA