Talebanî: Di dîroka Helebce de îro qonaxeke nû tê nivîsandin

PUKMEDIA

Qubad Talebanî

Cîgirê Serokwezîrê Herêma Kurdistanê Qubad Talebanî bi minasebeta parêzgehbûna Helebceyê peyamek belav kir:“Îro ji bo Helebce û Helebceyan rojeke dîrokî ye û ji îro û pê de ew ê qonaxeke nû di dîroka bajarê xwe de binivîsin.’’

Teksta peyamê:

Helepçe pîroz be û Kurdistan pîroz be

Îro ji bo Helebce û Helebçeyan rojeke dîrokî ye.

Ji îro û pê ve ew ê di dîroka bajarê xwe de qonaxeke nû binivîsin.

Piştî zêdetirî deh salan ji hewlên berdewam ên Hikûmeta Herêma Kurdistanê û aliyên Kurdistanî û hemû fraksiyonan, parlamentoya Iraqê proje yasaya pêkanîna parêzgeha Helebce pesend kir. Ez spasiya Serokatiya Meclisa Nûneran û hemû parlementerên ku deng dane sipasî  dikim. Her wiha spasiya Fraksiyona YNKê û hemû fraksiyon û aliyên din ên Kurdistanî dikim ku ji bo cîbicîkirina vê daxwaza xelkê Helebce dudilî nebûne.

Heger em hemû bi hev re ji bo bilezkirina proseya geşepêdana Helebceyê hewl bidin, bibe parêzgeh ji bo xelkê Helebce û niştecihên vê parêzgeha nû û bedew a Kurdistan û Iraqê dê şêrîntir bibe. Divê hikûmeta Herêma Kurdistanê û nûnerên me yên li Bexdayê hemahengî û hevkarî bin ji bo dabînkirina bûdceya pêwîst ji bo pêşxistina vê parêzgeha nû.

Ji dil û can pîrozbahiyê li xelkê Helebce û hemû gelê Kurdistanê dikim û careke din spasiya hemû wan kesan dikim ku ji bo Helebce bibe parêzgeh kar û xebat kirin.

PUKMEDIA