Çiro Hema Şerîf: Yekdengiya aliyên Kurdistanî Helebce kir parêzgeh

PUKMEDIA

Parlamenterên Kurd li Iraqê

Endamê Fraksiyona YNKê Çiro Hema Şerîf li ser navê Fraksiyonên Kurdistanî yên li civata nûneran got:"Îro rojeke dîrokî ye bo Kurd û Helebce û em bi yekdengîya fraksyonên Kurdistanî kêfxweş in, me karî Helebce bikin parêzgeha 19 ya Iraqê."

Fraksiyonên Kurdistanî li Parlamentoya Iraqê bi boneya pesendkirina proje yasaya parêzgeha Helebceyê civîneke çapemeniyê li dar xistin.

Her wiha got: “Îro rojeke dîrokî ye ji bo hemû gelê Kurd û Helebceyê, tevî şîna me ya Enfalê, lê em kêfxweş in ku Helebce bibe çaremîn parêzgeha Herêma Kurdistanê û parêzgeha 19 ya Iraqê.

Wê zêde kir:“Eger yekrêziya fraksiyonên Kurdistanî nebûya, me nikarîbû proje yasaya parêzgehbûna Helebceyê pesind bikin, lewma em pîrozbahiyê li hemû parlamenterên ku îro li salona parlamentoyê ligel me bûn, ji bo derbaskirina proje yasaya parêzgehbûna Helebceyê dikin.

Helebce bû parêzgeha 19 ya Iraqê, parlamentoya Iraqê roja Duşemê bi amadebûna fraksyonên Kurdistanî û çend parlamenterên din ên Iraqê pesend kir.

13ê Adara 2014ê de Hikûmeta Herêma Kurdistanê bi fermî çaremîn parêzgeha Kurdistanê, çaremîn parêzgeha piştî Hewlêr, Silêmanî û Duhokê û parêzgeha 19emîn a Iraqê bi fermî nas kir.

Parêzgeha Helebce navçeyek û çar navçeyên Sîrwan, Xurmal, Biara û Bamo dihewîne û ji 166 gundan pêk tê.

PUKMEDIA