N.Nasih:Parêzgehbûna Helebce dê derfetên kar peyda bike

PUKMEDIA

Kongreya rojnamevanî ya bi parêzgara bi wekalet ya Helebce ya Nûxşe Nasih

Parêzgara Helebce ya bi wekalet ragihand ku yekheviya Kurdan li Bexdayê bû ku Helebce kir bi parêzgeh û em hêvîdar in ku xizmet û derfetên kar zêdetir peyda bikin û bi vê yekrêziyê jî bo mafên xwe yên din şer bikin.

Bi boneya pesendkirina Proje Yasaya bi parêzgehbûna Helebce li Civata Nûnerên Êraq`ê;Parêzgara Helebce ya bi wekalet Nuxşe Nasih di kongreyeke rojanamevaniyê de ragihand, bi vê boneyê em bi germî pîrozbahiyê li welatiyên Helebce, Hewraman, Şarezûr,û kesûkarên serbilind yên şehîdan û tevahiya gelê Kurdistanê dikin, û em spasiya Serokomar, Serokwezîrên Êraq`î, Serok û desteya Serokayetiya Civata Nûneran û fraksyonên Kurdistanî, Serokê Herêma Kurdistan`ê, Serokwezîr û Cîgirê Serokwezîrên hikûmeta Herêma Kurdistan`ê, endamên Parlemana Kurdistan`ê dikin û daxwaz ji wan dikin ku piştevaniyeke zêdetir li Helebce bikin.

Her wiha got: Em hêvîdar in ku pesendkirina proje yasaya bi parêzgehbûna elebce bibe nêrîneke cidî li xizmetguzariyan û zêdekirina derfetên kar bo parêzgehê û yekrêziya Kurd li Bexdayê ku Helebce kir parêzgeha 19 ya Êraq`ê û parêzgeha çarem a Herêma Kurdistan`ê,bi vê yekê jî heya astekê barê me sivik kir û rihê şehîdên me şad kir,em ji wan dixwazin ku bi vê yekîtiyê ji bo mafên xwe yên din têbikoşin.

Îro Dûşem rêkefta 14-04-2025 an bi amadebûna fraksyonên urdistanî û çend parlementerên din yên Êraqî,proje yasaya bi parêzgehbûna Helebce li Civata Nûnerên Êraq`ê hat pesendkirin û Helebce bû 19.ehemîn parêzgeha Êraq`ê.

Ev yek jî di demekê de ye ku, roja 13ê Adara 2014an de Hikûmeta Herêma Kurdistanê bi fermî wek çaremîn parêzgeha Kurdistan`ê naskir piştî Hewlêr, Silêmanî û Duhok`ê û her weha 19.ehemîn parêzgeh e li ser asta Êraq`ê.

Parêzgeha Helebce qezayek û çar navçeyên  ji (Sîrwan, Xurmal, Biyare û Bemo) û ji 166 gundan pêk tê.

PUKMEDIA