Bahoza tozê 3000 kes sewqî nexweşxanê kirin

Arşîv

Toza Tozê

Wezareta Tendirustiyê ya parêzgeha Necefê ragihand, pêleke tozê ya giran naverast û başûrê Iraqê girtiye.“Ji ber tozê zêdeyî 3000 kes bi nexweşiya astima giran rakirin nexweşxaneyê.’’

Berdevkê Dezgeha Meteorolojiyê ya Iraqê Amer Cebrî ragihand ku pêla tozê roja Duşemê dest pê kiriye.“Pêl ji Erebistana Suudî û başûrê Iraqê derket û dîtbarî ji kîlometreyekê kêmtir kir.

Pêlê bi tundî parêzgehên naverast û başûrê Iraqê girtiye û beşên meteorolojî û tenduristiyê hişyariyê didin welatiyan ku xwe biparêzin.

Rêveberê Ragihandina Tenduristiyê ya Parêzgeha Necefê dibêje:“Heya niha zêdetirî 500 kes bi nexweşiya bêhnê ketine û rakirine nexweşxaneyê.’’

Çavkaniyê pêşbînî kir ku ev hejmar zêde bibe û amadekariyên tenduristiyê hatine kirin û hişyarî da welatiyan ku tedbîrên pêşîgirtinê bigirin.

PUKMEDIA Jêder.. Ajansa Nûçeyan a Îraqî