Talebanî: Divê pirsgirêk bi diyalog û têgihiştinê bên çareserkirin

Daxuyaniya Qubad Talebanî

Qubad Talebanî û Konsulê Giştî yê Tirkiyê

Cîgirê Serokwezîr Qubad Talebanî pêşwaziya Konsolê Giştî yê Tirkiyeyê li Herêma Kurdistanê Erman Topcu kir û di hevdîtinê de çendîn mijarên balkêş hatin gotûbêjkirin.

Di civînê de pêşhatên dawî yên pêvajoya aştiyê li Tirkiyê hatin gotûbêjkirin. Di vê derbarê de, Qubad Talebanî tekez li ser wê yekê kir ku, Herêma Kurdistanê piştgiriya serkeftina proseyê dike û her erkekî ku dikeve ser milê wê, dê bi cih bîne.

Li beşekî dinê vê hevdîtinê de rewşa navçeyê hat gotûbêjkirin û cîgirê serokwezîr amaje bi wê yekê kir ku pêwîste hemû alî bi diyalog û jihevtêgihiştinê pirsgirêkan çareser bikin û alîkariya parastina ewlehî û aramiya navçeyê bikin.

Derbarê hewldanên pêkanîna kabîneya nû de jî, Qubad Talebanî eşkere kir ku danûstandin baş û erênî derbas dibin û hêvî xwest ku YNK û PDK di yekem derfetê de li ser pêkanîna hikûmeteke bihêz, karbidest û yekgirtî li hev bikin.

PUKMEDIA