Zêdeyî milyonek delîlên sûcên Baasê tên pêşkêşkirin

Ajans

Serokê Saziya Şehîdan Ebdullah El Naîlî

Ajansa Şehîdan a Îraqî zêdetirî 1 milyon belge li ser tawanên ku rejîma Baasê li dijî gelê Îraqî pêk anîne kom kirine, serokê ajansê got:“Belge li Kerbelayê tên parastin û tê plankirin ku bên pêşkêşkirin.’’

Serokê Dezgeha Şehîdan Ebdullah El-Naîlî roja Çarşemê ji bo belgekirina tawanên rejîma Baasê, yadaştname îmze kir û ragihand:Ev belge dê tawan, binpêkirin û tawanên terorîstî yên piştî sala 2003ê  û pês ev jî di dema rêjîma Baasê de li dijî gelê Iraqê hatine kirin, belge bikin.''

Berpirsê Saziya Şehîdan dibêje:“Partiya Baasê û DAIŞ du rûyên yek medalê ne, her duyan jî tawanên hovane li dijî gelê Iraqê kirine, ev jî bûye sedem ku sazî qanûnek taybet derbixe ku dadmendiya malbatên şehîdan dide.’’

"Sûcên ku li dijî gelê Iraqê hatine kirin, bûne sedema bi sed hezaran kuştî û birîndaran, ev jî dihêle ku Dezgeha Şehîdan û saziyên din ên dewletê kar bikin daku di zûtirîn dem de dadmendiyê ji malbatên qurbaniyan re peyda bikin.’’ Serokê dezgehê wiha dibêje.

Li gor el-Na'îlî:’’Di saziyê de arşîveke mezin heye ku zêdetirî milyonek belge li ser tawanên Partiya Baasê hene û li Kerbelayê tên parastin.’’

PUKMEDIA