Dadgehê ji bo Rakan Cibûrî biryara binçavkirinê da

Ajans

Rakan Cibûrî

Dadgeha Rasafa ji bo parêzgarê berê yê Kerkûkê Rakan Cibûrî bi tohmeta gendelî û ziyan gihandina mal û milkên giştî biryara girtinê derxist.

Parlamentera Fraksiyona YNKê ya Parlamentoya Iraqê Sebah Hebîb ji malpera fermî ya Yekîtiya Niştimanî ya Kurdistanê (PUKMEDIA) re ragihand;“Rakan Cibûrî li gorî madeya 340’ê ya ku behsa karê karmend û fermanberên îdarî û ziyan gihandina mal û milkên giştî dike, hatiye binçavkirin.

Sebah Hebîb got: "Rakan Cibûrî 5 dosyayên gendeliyê hene û li ser van dosyayan lêkolîn tê kirin. Parlamenter û çend kesên din berê giliyê wî li dadgehên Kerkûk û Bexdayê kiribûn."

Madeya 340 a yasaya cezayê ya Iraqê cezayê girtîgehê ji bo tawanbaran hatiye diyarkirin:“Karmend an jî kesê ku ji bo karûbarê giştî hatiye wezîfedarkirin ku bi qestî zirarê bide mal û milkên giştî yan jî cihê ku lê dixebitî, bi cezayê girtîgehê ji heft salan zêdetir tê cezakirin.’’

PUKMEDIA