Xizmên qurbaniyên Enfalê serdana gorên şehîdên xwe yên li Nûgrasalmanê dikin

Tayîbet

Xizmên qurbaniyên Enfalê serdana gorên hezkiriyên xwe yên li Nugra Salman dikin

Şandeke xizmên qurbaniyên Enfal û gorên komî serdana Saziya Şehîdan a Iraqê û goristana şehîdan a li Nûgresalman kirin.Daxwaz kirin ku cenazeyên xizmên wan bên vegerandin bo  welatê wan û tezmînata wan bê dayîn.

Helgurd Hema Xerîb Seîd, yek ji endamên şandê û xwediyê sê şehîdan ku dayîk û du bira ne, ji malpera fermî ya Yekîtiya Niştimanî ya Kurdistanê (PUKMEDIA) re ragihand:“Şanda ku ji Silêmanî, Çemçemal, Germiyan, Koye û herêmên ku di serdema rejîma Baas de rastî tawanên herî mezin hatin, di 19’ê Nîsana 2025’an de ji bo serdana cenazeyên şehîdên me çûn Nûgrasalmanê.”

Halgurd Hama Xerîb wiha got: "Di serdana me ya Nûgrasalmanê de, ku cenazeyên şehîdên me lê ne, Saziya Şehîdan a Iraqê ewlekariya şanda me parast. Li wir me çîroka trajîk a xizmên xwe dît, wan pêşwazî li me kirin."

Wî diyar kir:“Mele Kerîm Şukur cîgirê serokê fraksiyona YNKê li parlamentoya Iraqê ev serdan ji me re organîze kir û yek ji wan parlamenteran e ku bi cidî li ser dosyaya qurbaniyên Enfalê kar dike û parastina mafên me dike.’’

Di dawiyê de jî Halgurd Hema Xerîb daxwaz ji Hikûmeta Herêma Kurdistanê û Hikûmeta Federal kir ku bi cidî kar bikin ji bo vegerandina termên qurbaniyên Enfalê û hemû şehîdan û herwiha qerebûkirina malbatên qurbaniyan û nehiştina dubarebûna vê tawanê.

PUKMEDIA