Cîgirê Serokê Herêma Kurdistana li gel şêwirmendê leşkerî yê hêzên Holendayê civiya

Buroya Çapemeniyê ya Şêx Cafer

Şêx Cefer Şêx Mistefa pêşwaziya Albay Linda Kapela kir

Cîgirê Serokê Herêma Kurdistana Iraqê Şêx Cefer Şêx Mistefa pêşwaziya Albay Linda Kapela şêwirmenda nû ya leşkerî ya hêzên Holendayê kir.

Di hevdîtinê de Cîgirê Serokê Herêma Kurdistanê tevî pîrozbahî li xanim Kolonel Linda Capella bi boneya destbikarbûna wê bi erkê xwe re hêviya serkeftinê ji bo wê xwest û amadeyiya xwe jî ji bo pêşkêşkirina hemû piştgirî û alîkariyan bo serxistina karê wê nîşan da.

Ji aliyê xwe ve Kolonel Linda Capella kêfxweşiya xwe ji bo wergirtina erkê xwe li Herêma Kurdistanê nîşan da û tekezî li ser berdewamiya peywendiyan û pêşxistina hevkariyên hevbeş di navbera welatê xwe û Herêma Kurdistanê de kir.

Di civînê de ku Betrilla Snoia Cîgira Konsulusa Holenda tê de amade bû, rewşa dawî ya siyasî û emnî ya navçeyê, pêkanîna kabîneya nû, metirsiya DAIŞê li ser navçeyê, guhertin û pêşhatên Sûriyê hatin gotûbêjkirin.

PUKMEDIA