Fehmî Burhan: 4 hezar û 500 heval prensîbên giştî yên dîdarê gotûbêj dikin

PUKMEDIA

Dîdara YNK

Berpirsê Sekreteriya Dîdara YNKê dibêje: Bi beşdariya 4 hezar û 500 hevalan, dê pirensîpên giştî yên civînê bên gotûbêjkirin û zêdetirî hezar û 500 bîr û pêşniyarên cuda ku mijarên cidî û girîng ên YNKê dihewîne, ji aliyê komîteya bilind a civînê ve bên dayîn.

Berpirsê Sekreteriya Civîna YNKê Fehmî Burhan derbarê civînê û encamên civînê de ji PUKMEDIA re got: Zêdeyî hezar û 500 nêrînên cuda ku 12 hezar û 500 rêheval û kadro di 9 konferansan de nîqaş kirine, hatine komîteya bilind a dîdarê.

Fehmî Burhan got jî: Niha bi beşdariya 4 hezar û 500 rêheval û kadroyan goftûgo derbarê prensîbên giştî yên dîdarê wê bên gotûbêjkirin û hemû nêrîn û pêşniyar pêşkêşî heval Qubad Talebanî serpereştyarê dîdarê dikinû piştre ewê gotara dawî yê dîdarê bixwîne.

Got jî: Îro Dîdar wek civîn û wergirtina nêrîn û erkan bidawî bibe, lê komîteya bilind a dîdarê 15 roj maye ku kar bike, ji ber ku nêrîn û pêşniyar, mijarên cidî û girîng ên YNKê ne û pêwîstî bi karkirina zêdetir li ser wan heye.

Duh Çarşemê 23/4/2025 duyemîn dîdara YNK bi amadebûna Serokê Yekîtiya Niştimanî ya Kurdistanê Bafil Celal Talebanî û bi serpereştiya berpirsê YNKê Qubad Talebanî û bi amadebûna Serokomarê Êraqê, hemû endamên mekteba siyasî, serkirdayetî, endam û alîgirên YNKê li salona yaneya Pêşmerge ya bajarê Silêmaniyê birêve çû. Îro di roja dawî ya dîdarê de, komîteyên ku pêk hatine ji komîteyên (jinan, peyker û rêxistinên hizbî, ciwan, peywendî, hikûmet, deverên cudaxwaz û madeya 140, Pêşmerge û têkoşerên dêrîn û şehîdan) gotûbêj û kar encam dan.

Berî niha YNKê 9 konferansên amadekariyê li bajarên Mûsil, Badînan, Hewlêr, Koye, Kerkûk, Helebce, Silêmanî, Germiyan û Raperînê li dar xistibû û zêdetirî 12 hezar û 500 endam û alîgir beşdar bûn.

PUKMEDIA