Civîna YNK û PDK li Dukan dest pê kir

PUKMEDIA

Serok Bafil Talebanî û serok wezîr Mesrûr Berzanî

Civînek pile bilind di navbera Yekîtiya Niştimanî ya Kurdistanê û Partiya Demokrat a Kurdistanê de îro Duşemî 28ê Nîsana 2025an piştî nîvro, li havîngeha Dukan a li Parêzgeha Silêmaniyê dest pê kir, ji bo gotûbêjkirina gavên avakirina hikûmeta nû ya Herêma Kurdistanê.

Şanda Yekîtiya Niştimanî ya Kurdistanê ji aliyê Serokê Giştî yê YNKê Bafil Celal Talebanî ve û şanda Partiya Demokrat a Kurdistanê ji aliyê Serokwezîrê Hikûmeta Herêma Kurdistanê û Cîgirê Serokê vê partiyê Mesrûr Barzanî ve pêk tê.

Roja 16ê Adarê, Serok Bafil Celal Talabanî li havîngeha Pîrmam a li parêzgeha Hewlêrê li gel Mesrûr Barzani civiya. Piştî civînê, Serok Talabanî di daxuyaniyek çapemeniyê de got: Civîn pir baş bû, û me li ser gelek mijarên stratejîk ên ku di berjewendiya gelê me de ne li hev kir. Ez bawer dikim ku nîqaş dê berdewam bikin. Armanca me ew e ku em di zûtirîn dem de hikûmetek ava bikin ku xizmeta gelê me bike.

PUKMEDIA