Iraqê di mehekê de ji firotina petrolê 8 milyar dolar qezenc kir

Reuters

Yek ji xetên hinardekirina petrola Iraqê

Wezareta Petrolê ragihand ku Iraqê di meha Adarê de zêdetirî 106 milyon bermîl petrol hinarde kiriye. "Wê nêzîkî 8 milyar dolar qezenc kir.’’

Wezareta Petrolê ya Iraqê di daxuyaniyekê de got ku nusxeyek  PUKMEDIAyê wergirtiye:"Tevahiya hinardekirina petrolê di meha Adarê de gihîştiye 106 milyon û 663 hezar û 211 bermîlan," û her wiha da zanîn ku dahata giştî ya petrolê ji 7 milyar û 716 hezar dolarî derbas bûye.

Wezaretê di daxuyaniyekê de got, "Hejmara bermîlên ku ji Besrayê hatine hinardekirin gihîştiye 104 milyon û 740 hezar û 398 bermîlan, mîqdara bermîlên ku ji zeviya Kerkûk-Geyrayê hatine hinardekirin gihîştiye 1 milyon û 613 hezar û 48 bermîlan û mîqdara bermîlên ku ji depoya nû ya petrolê hatine hinardekirin jî gihîştiye 309 hezar û 765 bermîlan."

PUKMEDIA