Şer di navbera Hindistan û Pakistanê de berdewam dike

Ajans

Şerê Pakistan û Hindistan

Cîgirê Serokê Dewletên Yekbûyî yên Amerîkayê J.D. Vance ragihand ku kirîza heyî ya di navbera Hindistan û Pakistanê de "bi tevahî ne karê Dewletên Yekbûyî yên Amerîkayê ye, di heman demê de banga "Agir bestê" kir.

Vance di hevpeyvînekê de ligel Fox News got: Tiştê ku em dikarin bikin ev e ku em wan teşwîq bikin ku agir bestê bikin, lê em tevlî şerekî nabin ku ne karê me ye.

Di demekê de ku aloziya di navbera Pakistan û Hindistanê de zêde dibe, hikûmeta Pakistanê bang li civaka navneteweyî kiriye û daxwaza alîkariyê kiriye da ku girjî û alozî aram bibin.
Hikûmeta Pakistanê di daxuyaniyekê de got, Ji ber ku şer gurtir dibe û bazar hildiweşin, em bang li hevkarên navneteweyî dikin ku ji bo agir bestê bibin alîkar.

Ji aliyê xwe ve, Wezîrê Ragihandinê yê Pakistanê got, Em gotinên derew û şaş ên ku ji hêla medyaya Hindistanê ve di derbarê êrîşên sînorî yên Pakistanî de têne belavkirin red dikin.
Wî tekez kir ku Pakistanê "ti çalakiyên êrîşkar li dijî deverên Keşmîrê an derbasbûna ji sînorên navneteweyî pêk neaniye.
Di heman demê de, artêşa Hindistanê roja Înê di postek li ser malpera xwe de got ku hêzên çekdar ên Pakistanî şeva Pêncşemê-Înê li ser sînorê rojavayê Hindistanê bi karanîna dronan û cebilxaneyên din gelek êrîş pêk anîne.
Li gorî artêşa Hindistanê, ew li hember êrîşên dronan de bi ser ketiye.

PUKMEDIA