Ezmûnên dibistanên seretayî yên giştî li Iraqê bêyî herêmê dê dest pê bikin

Ajansa Nûçeyan a Iraqê

Xwendekar di dema ezmûnan de

Zêdetirî 1 milyon xwendekarên pola şeşan dê sibê 11/5/2025an li parêzgehên Iraqê azmûna lîsansê bidin, ji bilî wan xwendekarên ku li dibistanên Herêma Kurdistanê dixwînin û sîstema azmûna giştî ya wê qonaxê naşopînin.

Berdevkê Wezareta Perwerdehiya Iraqê Kerîm Seyîd di derbarê mijarê de wiha got:Ezmûna giştî ya pola şeşemîn dê sibê dest pê bike û zêdetirî 8 hezar navendên ezmûnan hatine amadekirin.

Berdevk got, "Ji bo pêşîgirtina li îhtîmala derketina pirsên azmûnê û her hewldanek ji bo diziyê, bi rayedarên ewlehiyê re hevahengiyek tevahî hatiye kirin."

Ev sîstema azmûnê 15 parêzgehên Iraqê digire nav xwe, ji bilî çar parêzgehên Herêma Kurdistanê (Hewlêr, Silêmanî, Helebce û Duhok), ku sîstemeke wan a cuda heye û azmûna lîsansê di vê qonaxê de hatiye rakirin.

PUKMEDIA