Êraq pêşwazî li agirbesta di navbera Hind û Pakistanê de dike

PUKMEDIA

Aavahiya wezareta derva yê Êraqê

Wezareta Derve ya Êraqê biryara agirbestê ya di navbera Hindistan û Pakistanê de pêşwazî dike.

Wezaretê di daxuyaniya xwe de got: "Komara Êraqê pêşwaziya biryara agirbestê ya di navbera Hindistan û Pakistanê de dike, ku destpêşxeriyeke erênî ye û pabendbûna herdu aliyan ji bo nêzîkbûna diyaloga dîplomatîk wekî rêbazek ji bo çareserkirina nekokiyan nîşan dide."

Wezaret piştrast dike:"Ev biryar gaveke aqilane ye ji bo sivikkirina aloziyên li herêmê û vekirina rê li ber xurtkirina baweriya hevbeş û avakirina pirên têgihîştin û nêzîkbûnê. Em hewildanên ku ji bo gihîştina vê rêkeftinê hatine kirin bilind dinirxînin."

Herweha wezaretê amaje bi wê yekê jî kir ku: "Çareseriyeke mayînde tenê bi danûstandinên avaker û pabendbûna bi peyman û qanûnên navneteweyî re dikare were bidestxistin. Em hêvî dikin ku ev destpêşxerî dê prensîbên jiyana aştiyane xurt bike û gelên her du welatên dost ji bela pevçûn û bertekên wê biparêze."

PUKMEDIA