Serok Bafil: Bêçekkirin beşek ji pêvajoyê ye û divê gavên din jî werin bicîhanîn

PUKMEDIA

Serokê Yekîtiya Nîştimanî ya Kurdistanê

Biryara PKK'ê ya bersivdayîna banga birêz Abdullah Ocalan û xwehilweşandin û çekdanînê di vê qonaxa hestiyar de gaveke dîrokî ye û em pêşwaziyê lê dikin.

Yekîtiya Nîştimanî ya Kurdistanê weke berê dixwaze pêvajoya aştiyê serbikeve û em ê alîkar û piştevanê hemû aliyan ji bo serxistina vê hewldanê bibin û li gorî nêrîna me çekdanîn beşeke pêvajoyê ye û divê ji bo serxistina beşên din gav werin avêtin û bi temamî armanca me bicih were.

Gavên me yên stratejîk ên nîştimanî li ser şopa Serok Mam Celal dimeşin ku weke yekemîn serkirde, barê serxistina pêvajoya aştiyê hilgirt û îro jî em ê hewldanên serxistina vê gava dîrokî hildin ser milê xwe.

Ez dubare dikim, bi tenê çareserkirina Pirsgirêka Kurd bi rêya aştiyê, dikare aramiya Rojhilata Navîn misoger bike.

Hêviya min serxistina pêvajoya aştiyê li Bakurê Kurdistan û Tirkiyeyê ye daku rûpeleke nû ya siyasî û dîplomatîk di navbera aliyên siyasî de were vekirin û gav ji bo xebata hevpar were avêtin û ew yek jî bandoreke erênî li ser tevahî Kurdistanê çê bike.

Bafil Celal Talebanî 

Serokê Yekîtiya Nîştimanî ya Kurdistanê

PUKMEDIA