4 xalên serekî… Girîngiya cezayan ji ser Sûriyê

Cîhan 10:41 AM - 2025-05-14

Alaya Sûriyê û Amerîkayê

Serokê Amerîkayê Donald Trump roja Sêşemê ji paytexta Erebistana Siûdî, Riyadê rakirina ragihand cezayên li ser Sûriyê ragihand. Ev gava matmayî bû piştî şêwirmendiyên bi weliyê Siûdî Mihemed bin Selman re hat.

Di axaftina xwe de, Trump got ku armanc ew e ku biryarname "derfetek nû bide gelê Sûriyê", û destnîşan kir ku gotûbêj li ser vê mijarê rasterast bi serokatiya Siûdî re çêbûne, ku roleke girîng di bidestxistina vê gavê de lîstiye.
Rakirina cezayan li ser Sûriyê tê çi wateyê, û çima serokê Amerîkayê ew wekî "derfeteke nû" bi nav kir?

Lîre û dolar

Piraniya analîzan li hev dikin ku ev biryar dikare destpêka serdemeke nû ya aborî ji bo Sûriyê nîşan bide, ku ev gelek salin ji dest dinale ji ber şer û cezayên navneteweyî.
Li gorî platformên çavdêriya bazara pereyan, piştî daxuyaniyê nirxa lîreya Sûrî li bazaran li gorî dolarê Amerîkî başbûnek girîng dît, bi qasî 10% zêde bû û bi 8,300 lîreyan ji bo kirînê û 8,700 lîreyan ji bo firotanê bazar pê tê kirin.

vejîna aborî

Tê pêşbînîkirin  ku ev biryar bibe sedema veguherînek radîkal di aboriya Sûriyeyê de, bi vekirina bazaran ji bo kelûpelên bingehîn û hêsankirina têketina xwarin û dermanan û dibe ku berhemên herêmî zêde bike û xweseriya Sûriyeyê xurt bike, tevî pirsgirêkên berdewam ên ku aboriya Sûriyeyê pê re rû bi rû ye.

Bandora domînoyê

Ev gava Amerîkayê dikare "bandora domînoyê" jî çêbike, û welatên Ewropî û saziyên navneteweyî yên din jî dikarin bi heman awayî keşûhewayek dostane ji bo veberhênanê biafirînin.

Jîngeheke veberhênanê ya aram faktoreke sereke ye ji bo kişandina veberhênerên herêmî û navneteweyî bo bazara Sûriyê.

Derfetên ji nû ve avakirinê

Rakirina cezayan dikare projeyên ji nû ve avakirinê vegerîne, nemaze binesaziya zirardar a wekî dibistan, nexweşxane û rêyan.
Dibe ku em vebûnek ji bo destpêkirina projeyên mezin di sektorên enerjî, geştiyariyê û çandiniyê de bibînin, ku bingeha avakirina aboriyek nû piştî salên wêrankirinê deyne.

PUKMEDIA