159 partî, hevpeymanî û lîst dixwazin beşdarî hilbijartinê bibin

PUKMEDIA

Komîsyona Bilind ya Serbixwe ya Hilbijartinên Êraqê

Dema tomarkirina partî, hevpeymanî û lîstên takekesî ji bo beşdarbûna di Hilbijartina Parlemana Êraqê de bi dawî bû,Berdevka komisyonê jî got: 118 partî, 25 hevpeymanî û 16 lîstên takekesî xwe ji bo beşdarbûna di Hilbijartina Parlemana Êraqê navên xwe tomar kirine.

Cûmana Xelayî, Berdevka Komîsyona Bilind ya Serbixwe ya Hilbijartinên Êraqê ji malpera fermî ya Yekîtiya Niştimanî ya Kurdistanê (PUKMEDIA) re got: Îşev 22/05/2025an, dema dawî ya tomarkirina navên partî, lîst û hevpeymaniyan ji bo beşdarbûna di hilbijartina parlemanî de bi dawî bû, ku 343 partî molet wergirtine, 60 partî têne damezrandin û 118 partiyên din jî dixwazin beşdarî hilbijartinê bibin.

Cûmane Xelayî got:66 hevpeymaniyên berê hene, pênc ji wan ji aliyê Civata komîseran ve hatine pejirandin, 11 yên din li benda pejirandinê ne, û 25 hevpeymanî dixwazin beşdarî hilbijartinê bibin.

Berdevka Komisyonê ragihand jî;16 lîstên takekesî ji bo beşdarbûna di Hilbijartina Parlemana Êraqê de daxwazên xwe pêşkêş kirine.

Komîsyona Bilind ya Serbixwe ya Hilbijartinên Êraqê roja Dûşemê dema tomarkirina navên hevpeymaniyan, partî û lîstên takekesî ji bo beşdarbûna di Hilbijartina Parlemana Êraqê de heta roja Pêncşemê rêkefta 22ê Gulanê dirêj kiribû.

Ev yek di demekê de ye ku roja 9ê Nîsana 2025an, Civata Wezîrên Êraqê bi Serokatiya Serokwezîr Mihemed Şeyah Sûdanî civînek li dar xistIbû û di civînê de roja 11ê Mijdara 2025an wekî roja encamdana Gera Şeşemîn ya Hilbijartina Parlemana Êraqê destnîşan kiribû.

PUKMEDIA