Amerîka cezayên li ser Sûriyê kêm dike

PUKMEDIA

Serokê Amerîka Donald Trump û Ehmed Şerei serokê Sûriyê

Wezareta Xezîneyê ya Amerîkayê biryareke awarte da ji bo sivikkirina cezayên aborî yên li ser Sûriyeyê, da ku rê bide veberhênanên nû û çalakiyên sektora taybet li welêt.

Wezareta Xezîneyê ya Amerîkayê di daxuyaniyekê de ragihand ku wan destûrnameyek giştî daye ji bo sivikkirina hin cezayên li ser Sûriyeyê û eşkire kir ku ev biryar li gorî daxuyaniya Serokê Amerîkayê Donald Trump a ji bo rakirina cezayan li ser Sûriyeyê ye.

Di biryarnameyê de hat gotin, "Ev biryar dê rê bide hevalbend û hevkarên me ku li Sûriyeyê veberhênanê bikin," û rê dide veberhênanên nû û çalakiyên sektora taybet li Sûriyeyê.

Serokê Dewletên Yekbûyî yên Amerîkayê Donald Trump hefteya borî di serdana xwe ya bo Kendavê de got: Ez ferman didim ku cezayên li ser Sûriyeyê werin rakirin da ku şansek ji wan re bê dayîn. Zext dijwar bûn, lê niha dem hatiye ku Sûriye bibiriqe.

PUKMEDIA