Serokê Firaksyona YNKê:Em li dijî ragirtina mûçeyan radiwestin

PUKMEDIA

Herêm Kemal Axa; Serokê Firaksyona Yekîtiya Nîştimaniya Kurdistanê li parlemana Êraqê

Firaksiyonên Kurdistanî yên li Parlemana Êraqê li dijî nameya Wezîra Darayî ya Êraqê derketin; û gotin: Nameya Wezîra Darayî ya Êraqê di warê îdarî, darayî, yasayî û destûrî de binpêkirina mafên Herêma Kurdistanê ye.

Herêm Kemal Axa; Serokê Firaksyona Yekîtiya Nîştimaniya Kurdistanê li Parlemana Êraqê ji PUKMEDIA malpera fermî ya Yekîtiya Nîştimaniya Kurdistanê re got: Nameya Wezîra Darayî yê Federal ya ji bo ne dayîna mûçeyên mûçexwerên Herêma Kurdistanê binpêkirinên mezin yên yasayî û darayî ne û li dijî biryara Dadgeha Bilind ya Federal e ku derengxistina dayîna mûçeyan bi her bahaneyê em vê biryarê red dikin.

Herêm Kemal Axa got: Em wek firaksyonên Kurdistanî bang li Serokkomar,Serokwezîr û Dadgeha Bilind ya Federal a Êraqê dikin ku vê şaşiyê sererast bikin, ji ber ku em bawer dikin ev name li dijî yasay ye û biryareke siyasî ye,hevdem Wezîra Darayî desthilata xwe ya rawestandina mûçeyên mûçexwerên Hikûmeta Herêma Kurdistanê nîne.

Her weha aşkere kir ku, Fraksiyonên Kurdistanî li hev kirine ku hîna zû ye ku kojmê pereyê herêmê di budçeyê de texmîn bike, û biryar bide ku ew para qediya ye, ji ber ku bi gelemperî, Wezareta Darayî dikare vê texmînê bike, ji berk u bi giştî di heyva Cotmehê de Wezareta Darayî vê texmînkirinê bike.

Serokê Firaksyona Yekîtiya Nîştimaniya Kurdistan li Parlemana Êraqê got jî: Nameya Wezîra Darayî ji aliyê îdarî, yasayî, darayî û destûrî ve ne yasayî ye, û li dijî biryara Dadgeha Federal e jî, ji ber ku dadgehê bi zelalî diyar kiriye ku divê mûçe bi nakokiyên siyasî re neyên tevlihevkirin.

Derbarê ne razîbûna Wezîra Darayî ya Êraqê li hemberî rêkeftina di navbera Hikûmeta Êraq û Hikûmeta Herêma Kurdistanê de ku hikûmeta herêmê pabendî rêkftinê nebûye; Serokê Firaksyona YNKê got: Teyf Samî ; Wezîra Darayî ya Êraqê dikare gilînameyê li ser hikûmeta herêmê li Dadgeha Federal tomar bike, ne ku mûçeyên mûçexwerên herêmê wek rehîne rabigire.

PUKMEDIA