Qayîmaqama Qeradagê zirara şewata li Delucê eşkere kir

PUKMEDIA

Dîmenê Agir

Qayîmaqama navçeya Qeradagê got ku ji ber şewata li Çiyayê Delucê yê navçeya Qeradagê 200 heta 250 donim daristanên xwezayî şewitîn.

Lêkolîna li ser sedema şewatê berdewam dike û heta niha ti kes nehatiye girtin.

Şîrîn Mehmûd, qayîmaqama navçeya Qeradagê, ji malpera fermî ya YNKê  (PUKMEDIA) re got:Agir 200 heta 250 donim daristanên xwezayî şewitand, ji bilî şewitandina hejmareke mezin ji ajalên kovî, lê bi şensî erd û baxçeyên cotkarên herêmê zirar nedît.’’

Şîrîn Mehmûd got, "Herêma ku agir lê derketiye nêzîkî cîhek geştiyariyê ye û hejmareke mezin ji geştiyar serdana wê kirine, ji ber vê yekê lêpirsîna bûyerê berdewam dike û heta niha kes nehatiye girtin.’’

Wî zêde kir:Her çend agir hat kontrolkirin jî, îro dîsa derket holê û tîmên parastina sivîl, polîs û tîmên acîl ji bo ji nû ve kontrolkirina wê dixebitin.

Duh 10-6-2025, li navçeya Qeradagê agirêkî mezin derket û çend donim daristan şewitand.

PUKMEDIA