Ji ber şerê Îsraîl û Îranê nêzîkî 500 kes hatin kuştin û birîndar bûne

BBC

Hêrîşa Îranê li ser Îsraîlê

Di şerê 24 demjimêran yê di navbera Îsraîl û Îranê de zêdetirî 80 kes hatine kuştin û zêdetirî 400 kes jî birîndar bûne.

Îro; Şemî danê sibê rêkefta (14-06-2025) an Artêşa Îsraîlê ragihand ku Supaya Pasdaran ji Tehran û Kirmaşanê pêlek din ya hêrîşên mûşekî li ser Îsraîlê dan destpêkirin, û got:Sîstemên me yên parastinê bersiva hêrîşan didin û em bang li welatiyan dikin ku xwe li cihên guncaw bigirin.

Di heman demê de, îro demjimêr 04:45ê danê sibê, Supaya Pasdarên Îranê ji baregehên mûşekî yên Tehran û Kirmaşanê rêze êrîşên nû yên mûşekî yên balîstîk li ser Îsraîlê dest pê kirin, bi vî awayî hejmara êrîşên li ser Îsraîlê gihîşte pênc hêrişan bo ser Israîlê.

Li hemberî wê yekê zengliê Aartêşa Îsraîlê li bakurê Israîl û bilindahiyên Colanê hat lêdan, û ku hêzên wan yên esmanî dê li her cihê ku pêwîst be bersiva hêrîşên Îranê bidin.

Berdevkê Dezgeha Awarte ya Neteweyî ya Îsraîlê Magen David Adom got: Tîmên me gihîştin cihê bûyerê û gotin:Sê ji birîndardi rewşek xirap de ne, bi vê yekê hêrîşên Îranê yên li ser Îsraîlê de di 24 demjimêrên dawî de sê kes hatine kuştin û 80 kes jî birîndar bûne.

Îsraîlê roja Înê sibê di Operasyona bi navê (Şêrê Serhildêr) de hêrîşeke mezin li ser zêdetirî 200 armanc û binkeyên Etomî û leşkerî yên Îranê da destpêkirin, di hêrîşê de, ku bi dehan fermandarên payebilind yên Pasdarên Şoreşê û şeş zanyarên Etomî hatin kuştin, ku herî kêm 78 kes hatin kuştine û zêdetirî 320 kes jî birîndar bûne.

Li hember vê yekê, Îranê Operasyona bi nave (Soza Rastîn 3) dest pê kir û bi rêze hêrîşên mûşekî bersiv da ku di encamê de du kes hatin kuştin, 80 kes birîndar bûne û çend avahî li Tel Ebîbê bi temamî wêran bûne.

PUKMEDIA