Tevgerê bazirganê li deriyên Herêmê asayî dimeşe

PUKMEDIA

Deriyê sînorî li Herêmê

Veguhastina kelûpel û kesan bi rêya deriyên sînorî yên Herêma Kurdistanê bi welatên cîran re bi awayekî normal berdewam dike, bandora pêşketinên leşkerî yên li deverê li ser nekiriye. Cîgirê Serokê Yekîtiya Hewirde û Hinartinê a Herêma Kurdistanê piştrast dike ku deriyên sînor vekirî ne.

Ata Mihemed Nûrî, Cîgirê Serokê Yekîtiya Hewirde û Hinartinê a Herêma Kurdistanê, ji PUKMEDIA re got: Hemû deriyên sînorî yên Herêma Kurdistanê bi welatên cîran re vekirî ne, û bazirganî bi awayekî normal berdewam dike, tekez kir ku "ti metirsiya kêmbûna xwarinê li herêmê tune, xwarina bi dest me de heye têra mehekê dike bo welatiyan.

Ata Mihemed got jî: "Kelûpel û xwarin bi têra xwe di bazar de hene, û komîteyên taybet berdewam dikin ku bazaran di warê bihabûnê de bişopînin, destûr nayê dayîn ku bihayan bilind bike an kelûpelên biserçû bifroşe."Şeş deriyên sînor li Herêma Kurdistanê hene ku ji aliyê hikûmeta federal ve hatine naskirin: Îbrahîm Xelîl, Hecî Omran, Blaşmax, Perwîz Xan, û Balafirgehên Navneteweyî yên Silêmanî û Hewlêrê. Şeş deriyên sînor ên din jî hene ku tenê ji aliyê Hikûmeta Herêma Kurdistanê ve hatine naskirin, lê hîn ji aliyê Bexdayê ve bi fermî nehatine naskirin.

PUKMEDIA