Pizîşkiyan: Ti hewlên me bo bidestxistina çekên navokî tune ne

AFP

Êrîşa Îsraîlê bi ser Îranê

Serokê Îranê Mesûd Pizîşkiyan ragihand ku Îsraîl dê nikaribe Îranê têk bibe, û tekez kir ku welatê wî naxwaze çekên navokî bi dest bixe.

Pizîşkiyan di dema beşdarbûna xwe ya di civîna Encumena Şêwirmendiya Îslamî de roja Duşemê, 16ê Hezîrana 2025an de got: Îran ne êrîşkar e, û em ji her demê bêtir hewceyî yekîtiya navxweyî ne ku li hember êrîşkariyê bisekinin. Wî destnîşan kir ku "Îsraîl dê nikaribe me bi kuştinê têk bibe, û hêzên me dê li hember van tirsonekan bisekinin.

Serokê Îranê tekez kir, Em li gorî polîtîkayên Rêberê Bilind naxwazin çekên navokî bi dest bixin, û ev baweriyek me ya xurt e, amaje bi wê yekê jî kir ku: Ne em bûna ku me dest ji danûstandinan berda, û tiştê ku em daxwaz dikin mafê me yê qanûnî ye.

Her weha Pizîşkiyan got jî: Mafê kesî tune ku mafê me yê sûdwergirtina ji enerjiya navokî û lêkolîna ku xizmeta berjewendiyên gelê me dike, me bêpar bike, û tekez kir ku "Dewletên Yekbûyî bi destûrdayîna ku Îsraîl êrîşî me bike, zorbazî ye û qanûnên navneteweyî binpê dike.

Wî tekez kir, "Em bi berxwedidin û ji tiştekî natirsin, û em ji gelê xwe dixwazin ku di van krîzan de sebir bikin. Em li pey serdestiyê hewl nadin, û ew Îsraîl e ku dixwaze yek bi yek êrîşî Misilmanan bike û fermanên xwe li ser wan ferz bike.

PUKMEDIA