Konseya Hevkariya Kendavê daxwaza bidawîanîna şerê Îran û Îsraîlê kir

Ajans

Alayên endamên Konseya Hevkariya Kendavê

Endamên Konseya Hevkariya Kendavê bi rêya vîdyokonferansê civîneke awarte li ser şerê di navbera Îsraîl û Îranê de li dar xistin û bang li civaka navneteweyî kirin:"Ji bo rawestandina şer gavên lezgîn bavêjin."

Civîn ji aliyê Wezîrê Derve yê Kuweytê Abdullah Yahya ve hat birêvebirin û wezîrên derve yên konseyê jî beşdar bûn. Sekreterê Giştî Casim Badiwî di daxuyaniyekê de got: "Di civînê de pêşketinên li herêmê, bi taybetî şerê di navbera Îsraîl û Îranê de, hatin nîqaşkirin."

Wî got, "Berdewamiya şer aramiya herêmê û cîhanê tehdît dike."

Di dawiyê de, Sekreterê Giştî yê Konseya Hevkariya Kendavê bang dike:"Divê civaka navneteweyî gavên lezgîn bavêje da ku şerê di navbera Îsraîl û Îranê de rawestîne, û Dewletên Yekbûyî yên Amerîkayê û Rûsya divê zextê li her du aliyan bikin da ku êrîşan bi dawî bikin.

Konseya Hevkariya Kendavê di 25ê Gulana 1981an de li Îmaratên Erebî yên Yekbûyî bi beşdariya şeş welatên Kendavê: Erebistana Siûdî, Oman, Îmaratên Erebî yên Yekbûyî, Kuweyt, Qeter û Behrêyn hate damezrandin.

Armanca konseyê ew e ku hevkariya di navbera welatên konseyê de di hemû waran de pêş bixe û ji bo hemû welatên endam di warê aborî, darayî, bazirganî û gumrikê de sîstemek yekgirtî ava bike, ji bilî xebata ji bo pêşxistina aliyên zanistî û teknîkî.

PUKMEDIA