Dadgeha Federal dê hefteya bê ji bo nirxandina mijara mûçeyan bicive

Arşîv

Serokê Dadgeha Federal

Endamekî fraksiyona YNKê li parlementoya Iraqê dibêje:"Dadgeha Federal vê hefteyê ti civînekê li dar naxe, lê civîna li ser mijara mûçeyan dê hefteya bê were lidarxistin.

Çiro Heme Şerîf, endamekî parlementoya Iraqê ji fraksiyona YNKê, ji PUKMEDIAyê re got:"Dadgeha Federal îro û vê hefteyê jî nacive.
Heme Şerîf got: "Dadgeha Federal dê hefteya bê, dibe ku roja sêşemê ya bê, bicive."

Xarib Ehmed, endamê fraksiyona YNKê li parlementoya Iraqê, ji PUKMEDIAyê re got: "Sedema derengketinê ew e ku girîng e ku dem ji aliyan re, bi taybetî jî ji hevpeymaniya desthilatdar re were dayîn da ku berî darizandinê hewl bidin li ser vê mijarê lihevkirinekê bikin."

Endamê fraksiyona YNKê li parlementoya Iraqê got:"Li gorî Dadgeha Federal, piraniya endamên parlementoya Iraqê û wezîrên hikûmeta Iraqê, biryara Wezîrê Darayî Taîf Samî ne destûrî û neqanûnî ye û desthilatê îstismar dike û divê were betalkirin."

PUKMEDIA