Yekem geşta Hewayî bo Herêma Kurdistanê îro dest pê dike

Ajans

Balafirgeha Navneteweyî ya Hewlêrê

Yekem geşta ji Balafirgeha Navneteweyî ya Hewlêrê, ku ji ber şerê di navbera Îsraîl û Îranê de 12 rojan hatibû rawestandin, îro dê ji nû ve dest pê bike.
Hikumeta Herêma Kurdistanê ragihand ku geştên yekem dê îro (24/6/2025) saet 3:00ê piştî nîvro ji Balafirgeha Navneteweyî ya Hewlêrê dest pê bikin.

Dîlan Reşîd, Berdevka Wezareta Veguhestinê ya Hikûmeta Herêma Kurdistanê  di daxuyaniyek kurt de got:"Di 12 rojên borî de ji girtina qada hewayî ya Iraqê ji ber şerê di navbera Îsraîl û Îranê de zêdetirî 1283 geşt hatine betalkirin.’’

Di daxuyaniyê de hat gotin: "Li Balafirgeha Navneteweyî ya Hewlêrê 184 geşt û li Balafirgeha Navneteweyî ya Silêmaniyê 99 geşt hatine betalkirin."

Berdevkê Wezareta Veguhestinê got ku Iraqê qada hewayî ya xwe ji bo firînê vekiriye."Geryanên ber bi Iraqê ve ji nû ve dest pê kirine.’’

Berdevkê Wezareta Veguhestinê ya Iraqê Meysem el-Safî îro got:"Ezmanê Iraqê ji bo trafîka hewayî ji nû ve hatiye vekirin.’’

Wî zêde kir:"Geryanên ber bi Iraq û Herêma Kurdistanê ve li hemû balafirgehan ji nû ve dest pê kirine.’’

PUKMEDIA