Şandek e Hikûmeta Federal bo gotûbêjkirina pirsa mûçeyan li Hewlêrê ye

PUKMEDIA

Diravê Êraqî

Şandek e pile bilind ya hikûmeta Êraqê li Hewlêrê ye, daku sibehê digel şandeya Hikûmeta Herêma Kurdistanê derbarê pirsa mûçe û ne petrolê bicive.

Şanda teknîkî ya hikûmeta Êraqê, ku ji nûnerên (Wezareta Petrolê, SOMO, Dîwana Çavdêriya Darayî ya Êraqê û nûnerekî Kompaniya Petrolê ya Bakur) pêk tê, li Hewlêrê ye,û biryare sibehê roja Şemiyê rêkefta (28-06-2025 )an şanda Hikûmeta Herêma Kurdistanê derbarê pirsgirêkên li hemberî mûçeyên mûçexwerên herêmê  û pirsa ji nû ve hinardekirina petrolê gotûbêjan bikin.

Ev yek di demekê de ye ku, nêzîkî 45 roj in mûçexwerên herêmê mûçeyên xwe wernegirtine, û çi demek jî ji bo şandina mûçeyan ne hatiye destnîşankirin, lê lîsteya mûçeyên mehên (Gulan û Hezîranê) yên mûçexwerên  Herêma Kurdistanê ji Wezareta Darayî ya hikûmeta Federal re hatiye şandin.

Hevdem roja 25ê Hezîran ya sala 2025an, Civata Wezîrên Herêma Kurdistanê ji bo gotûbêjkirina li ser rewşa darayî ya niha ya herêmê û mûçeyên mûçexweran civiya û Mesrûr Barzanî Serokê Hikûmeta Herêma Kurdistanê di kongreyek e rojnamevaniyê de got: Em digel Serok Wezîrên Êraqê Mihemed Şeyah Sûdanî û Serokê Civat Dadwerî axivîn daku pirsgirêka mûçeyan di zûtirîn dem de bê çareserkirin,li hemberî wê yekê,Serok Wezîrên Êraqê biryar dabû ku di çend rojên bê de şandek e pile bilind ji Civata Wezîran dê ji bo herêmê bê şandin bi merema çareserkirina pirsgirêka mûçeyan, ku bê guman ew şand e biryarder e ne ku şandek e teknîkî ye.

PUKMEDIA