Şêx Cafer û Kolonel Peter tekezî li ser pêşxistina têkiliyên di navbera Iraq û Almanyayê de dikin

Nivîsgeha Çapemeniyê ya Cîgirê Serokê Herema Kurdistanê

Şêx Cafer Şêx Mistefa û Kolonel Peter Cooper

Cîgirê Serokê Herêma Kurdistana Iraqê bi şandeke leşkerî ya hêzên hevpeymaniya Almanî re civiya.

Cîgirê Serokê Herêma Kurdistanê Şêx Cafer Şêx Mistefa pêşwaziya Kolonel Peter Cooper, Fermandarê Hêzên Hevpeymaniya Almanî, û şandeke pê re kir.
Di civînê de rewşa ewlehiyê ya herî dawî li Iraq û Herêma Kurdistanê bi giştî, her wiha  li ser şaneyên razayî yên DAIŞê û bermahiyên terorê û gefên wan ên li ser herêmê hatin nîqaşkirin.

Her du aliyan girîngiya rol û girîngiya hêzên hevpeymaniya Almanî û alîkariya wan a leşkerî ji bo Iraq û Herêma Kurdistanê tekez kirin.

Di civînê de her wiha pêşketinên dawî yên li Rojhilata Navîn, parastina ewlehî û aramiya herêmê, pêvajoya reformê û yekbûna Pêşmergeyan, avakirina kabîneya nû û çareserkirina pirsgirêkên di navbera Hewler û Bexdayê de di çarçoveya destûrê de hatin nîqaşkirin.

PUKMEDIA