Balafirên bêmirov ên li herêmê nekarîne bigihîjin hedefên xwe

Kurdistan 01:37 PM - 2025-07-04

Dîmena cihê droneyê li Silêmaniyê

Di sê şevên borî de, li sê parêzgehên Herêma Kurdistanê rêze bombebaranên bi dronan pêk hatin, ku ji aliyê hêzên ewlehiyê ve hatin pûçkirin û ti qurbanî çênebûn.

Êrîşên li ser Hewlêrê

Şeva borî, 3ê Tîrmeha 2025an, droneke bombekirî li nêzî Balafirgeha Navneteweyî ya Hewlêrê hate xistin, li gorî çavkaniyên ewlehiyê, piştî bihîstina dengê teqînê û dûmana bilind, derket holê ku dron hatiye bêbandorkirin û ti qurbanî nehatine ragihandin.

Hikûmeta Herêma Kurdistanê (KRG)

"Saet 9:58ê sibê, li nêzî Balafirgeha Navneteweyî ya Hewlêrê balafireke bêpîlot a bombebarkirî hate xistin," wî got ku "bi şensî di êrîşê de ti qurbanî çênebûn.’’

Êrîşa li ser Silêmaniyê

Êvara 1ê Tîrmeha 2025an, saet 10:30an de, li herêma Tasluce ya parêzgeha Silêmaniyê teqînek bihêz hat bihîstin.

Albay Selam Ebdulxaliq, berdevkê Ajansa Ewlekariya Herêma Kurdistanê, got:"Du dron li herêma Tasluce ketin, tîmên lêpirsînê yên Ajansa Ewlekariya Herêma Kurdistanê tavilê gihîştin cihê bûyerê û dest bi lêkolînan kirin," wî got.

Wî tekez kir ku ti qurbanî nehatine ragihandin

Lîwa Ehmed Letîf, berdevkê Hêzên 70emîn ên Pêşmerge, got: "Saet 10:30ê şevê, du dron ji aliyê hêzên me ve li du cihên cuda li Tasluce hatin xistin.

Êrîşên li ser Kerkukê

Şeva borî, 3ê Tîrmeha 2025an, teqînek bihêz li Kerkukê hat bihîstin, ku paşê derket holê ku dronek bû ku li deverek vala ya taxa Bedrê ket û ti qurbanî çênebûn.

Ev êrîş di demekê de tên ku di şeva 30ê Hezîrana 2025an de sê mûşek li balafirgeha Kerkukê hatin avêtin, du ji wan li beşa leşkerî û yek jî li beşa sivîl a balafirgehê ketin.

PUKMEDIA