Di 16 rojan de 19 hêrîşên bi Dronan bo ser herêmê hatine kirin

Arşîvên PUKMEDIA

Dîmenê hêrîşa bi Dronan

Ji destpêka vê heyvê ve, 18 hêrîşên bi Dronan li bajarên cuda yên Herêma Kurdistanê hatine kirin, ku beşek ji wan li dijî zeviyên petrolê, û beşek din jî bo ser hêzên ewlehiyê û firokxaneyan bûne.

Li gorî zanyariyên malpera fermî ya Yekîtiya Nîştimaniya Kurdistanê (PUKMEDIA) ku ji arşîfa xwe wergirtiye, ji roja 1 Tîrmehê û heya niha çar hêrîşên bi Dronan bo ser Hewlêrê, pênc hêrîşên bi Dronan bo ser Silêmaniyê, çar hêrîşên bi Dronan bo ser Duhokê û çar hêrîşên bi Dronan bo ser Kerkûkê hatine kirin, her wiha du hêrîşên bi mûşek û sê hêrîşên bi Dronan bo ser Zaxoyê hatine kirin.

Li gorî wê yekê, ji destpêka heyva Tîrmehê û heya niha bi giştî 19 hêrîşên bi Dronan û mûşekan bo ser bajarên Herêma Kurdistanê hatine kirin, ku di nav wan de heşt hêrîş bo ser zeviyên petrolê bûne,ku di nav wan de zeviyên petrolê (Xormele, Kormor, Sersîng, Etrûş, Bay Hesen, Pêşxabûr, Tawkê, Hunt Oil) û yên mayî jî ji bo hêzên ewlehiyê û firoxaneyan hatine kirin.

Di heman demê de, hêrîşên dawî bi Dronan bo ser zeviyên petrolê yên Kurdistanê û hêrîşên şeva borî bo ser zeviya Petrolê ya Hunt li navçeya Şêxan ya parêzgeha Duhokê û hêrîşek li nêzîkî zeviyek petrolê li gundê Bêrkiyat yê parêzgeha Duhokê bûn, ku ew Dron ji aliyê Hêzên Pêşmerge ve hate xistin.

Du komîte ji bo lêkolîna derbarê hêrîşan hatine avakirin

Piştî destpêkirina hêrîşan, hikûmeta Êraqê du komîte ji bo encamdana lêkolînan derbarê hêrîşan ava kir, lê heya niha çi encamek wê nebûye û ne diyar e jî hêrîş ji aliyê kêve bo ser herêmê tên kirin.

Hêrîşên bo ser herêmê bûne sedema ne razîbûnan

Hêrîşên bo  ser herêmê bûne sedema nerazîbûnan û Civata Serkirdayetiya Yekîtiya Nîştimanî ya Kurdistanê (YNK)di civîna xwe ya roja Çarşemê de bi tundî ew reftarên dijminane şermezar kir ku armanc dike ewlehî, aramî û aboriya welêt têk bide û dorpêçê têxe ser qewareya herêmê, her weha daxwaz ji hikûmeta federal kir ku berpirsiyariya xwe ya neteweyî, fermî û destûrî ya li hemberî ewlehiya welatiyên Kurdistanê û kesên ku van tawanê û binpêkirinan encam didin, rûbirûyê dadgehê bikin û êdî rê nedin ku valahiya ewlehiyê kûrtir bibe, bicîh bîne.

Di heman demê de, Konsulxaneya Emrîka li Hewlêrê, Serokatiya Hikûmeta Herêma Kurdistanê, Civata Wezîran, Wezareta Çavkaniyên Xwezayî, Serokatiya Komarê, Şaneya Ewlehiyê ya Êraqê, Wezareta Navxwe yê Herêma Kurdistanê, Fermandarê Giştî yê Hêzên Çekdar yên Êraqê, Dije Teror ya Kurdistanê,Mekteba Ragihandin û Hişuarî ya YNKê ew hêriş şermezar kirin û daxwaz kirin ku bi zûtirîn dem lêkolîn di wê derbarê de bên encamdan.

Emrîka: Em hêrîşên bi Dronan bi ser herêmê pesend nakin

Hevdem, Konsulxaneya Emrîka ya li Hewlêrê derabrê hêrîşên bi mûşekan bo ser Herêma Kurdistanê daxuyaniyek belav kir û ragihand ku, Wîlayetên Yekbûyî yên Emrîka hêrîşên vê dawiyê yên bi Dronan li seranserî Êraqê, tevî hêrîşên 14 û 15ê Tîrmehê yên li ser jêrxana girîng ya zeviyên petrolê yên Xormole û Sersîng li Herêma Kurdistana Êraqê şermezar dike.

Ev yek di demekê de ye ku,roja (15-07-2025) an  Konsulxaneya Giştî ya Emrîka li Hewlêrê daxuyaniyek derbarê hêrîşên mûşekî bo ser Herêma Kurdistan belav kir û têde ragihand ku Wîlayetên Yekbûyî yên Emrîka hêrîşên dawî yên bi Droanan li seranserî Êraqê şermezar dike.

PUKMEDIA