Hilbijartinên Parlemanî yên Sûriyeyê di Îlonê de lidar dikevin

Reuters

Hlbijartinên parlemanî Sûriyê yên 2024

Li gorî serokê saziya berpirsiyarê organîzekirina pêvajoya hilbijartinê, ku roja Yekşemê bi medyaya dewletê re axivî, Sûriye wê di meha Îlonê de hilbijartinên parlemanî li dar bixe.

Mihemed Taha el-Ehmed, Serokê komîteya bilind a hilbijartinên Meclîsa Gel -Parleman, ji ajansa nûçeyan a dewletê SANA re ragihand ku hilbijartin dê di navbera 15 û 20ê Îlonê de pêk werin. Ev dê yekem hilbijartinên ku di bin desthilata desthilatdarên nû yên welêt de têne kirin, piştî ku Serokê berê Beşar el-Esed di êrîşeke bilez a serhildêran de di Kanûna Pêşîn a borî de ji desthilatdariyê hate derxistin.

Li gorî rêziknameyên demkî, sêyek ji 210 kursiyên parlemanî dê ji hêla Serokê demkî Ehmed el-Şaraa ve werin tayînkirin, lê kursiyên mayî dê bi dengdana gel werin dagirtin.

Di hevpeyvînekê de bi Erem News re, endamekî din ê komîteya hilbijartinê, Hesen el-Dagim, diyar kir ku dê li her yek ji parêzgehên Sûriyeyê kolejên hilbijartinê werin damezrandin da ku endamên mayî hilbijêrin.

Destûreke demkî, ku ji aliyê Serok El-Şaraa ve di meha Adarê de hatiye îmzekirin, avakirina Komîteyeke Gel destnîşan dike ku heta ku destûreke daîmî were pejirandin û hilbijartinên giştî werin lidarxistin, wekî parlementoyek demkî tevbigere - pêvajoyek ku tê payîn çend salan bidome.

Ev daxuyanî di demekê de tê ku di nav welêt de di derbarê rewatiya rayedarên nû yên li Şamê de parvebûyî  siyasî zêde dibe. Di destpêka vê mehê de, li parêzgeha Siwêdayê ya başûr tundûtûjiya mezhebî derket holê, bi sedan kes mirin û veguherîna piştî şer a ji xwe rewşa nazik a Sûriyeyê tehdît dike.

Li gorî raporan, pevçûnên ku du hefte berê dest pê kirin, ji ber revandinên tolhildanê yên di navbera eşîrên Bedewî yên çekdar û şervanên ji kêmaniya olî ya Durzî de çêbûne.

Her çend hêzên hikûmeta Sûriyeyê mudaxele kirin, bi îdîaya ku tundûtûjiyê bi dawî bikin, rapor destnîşan dikin ku wan xwe bi eşîrên Bedewî re girêdane. Tê îdîakirin ku hin leşkerên hikûmetê sivîlên Durzî îdam kirine û agir berdane malan, di vê pêvajoyê de milkên wan talan kirine.

Di bersivê de, Îsraîlê êrîşên hewayî li dijî hêzên hikûmeta Sûriyeyê û baregehên Wezareta Parastinê da destpêkirin, û diyar kir ku ev çalakî ji bo parastina civaka Durzî hatine kirin.

Ev gotar di destpêkê de ji hêla Associated Press ve hatiye weşandin.

PUKMEDIA